影片
更多
2023-06-28
669 瀏覽
#搞串個pantry酒店high tea大家就食得多啦🍸，喺茶餐廳high tea大家又試過未呢🤩？今次就嚟到#梅窩 嘅一間茶餐廳，試吓佢獨家嘅茶餐high tea😋！！我哋嗌咗港女三層架下午茶($148)🧁，包埋三杯嘢飲，如果兩個人食可以當做一個超級飽嘅午餐，不過記住14:30之後先有㗎✌🏻。一嚟到已經好打卡able💕，熟悉嘅high tea架，但入面放嘅係茶餐廳嘢食，好特別。最底嗰層係一開四嘅招牌公司三文治🥪，入面有蛋、扎肉、火腿、番茄🍅、生菜🥬，食落味道好豐富，麵包好脆。因為裏面冇醬嘅關係，所以食落口好乾。如果有搽沙律醬或者蛋黃醬就比較好啦😄。中間就係炸物拼盤，有波浪薯條🍟、咖喱角、春卷，同埋吉列炸蝦🍤。每樣嘢食都炸得好脆。炸蝦啲蝦肉唔會霉，好彈牙！薯條有啲偏腍，而春卷、咖哩角就普通。成碟炸嘢，主要靠啲番茄醬、泰式辣醬嚟撐場😕。最後上面係甜品，有布甸、啫喱、同埋蛋花大菜糕，佢哋嘅玻璃杯仲有好盞鬼嘅表情🤪。雖然食得出啲啫喱係用羅拔臣啫喱粉整，但係咁先夠港式嘛🇭🇰🥳。而大菜糕嘅調味適中，相較之下冇咁甜，而家越嚟越少呢啲傳統食物，都幾特別㗎。今次呢個下午茶套餐，賣相加埋環境方面好有香港
酒店high tea大家就食得多啦🍸，喺茶餐廳high tea大家又試過未呢🤩？今次就嚟到#梅窩 嘅一間茶餐廳，試吓佢獨家嘅茶餐high tea😋！！
我哋嗌咗港女三層架下午茶($148)🧁，包埋三杯嘢飲，如果兩個人食可以當做一個超級飽嘅午餐，不過記住14:30之後先有㗎✌🏻。
一嚟到已經好打卡able💕，熟悉嘅high tea架，但入面放嘅係茶餐廳嘢食，好特別。最底嗰層係一開四嘅招牌公司三文治🥪，入面有蛋、扎肉、火腿、番茄🍅、生菜🥬，食落味道好豐富，麵包好脆。因為裏面冇醬嘅關係，所以食落口好乾。如果有搽沙律醬或者蛋黃醬就比較好啦😄。
中間就係炸物拼盤，有波浪薯條🍟、咖喱角、春卷，同埋吉列炸蝦🍤。每樣嘢食都炸得好脆。炸蝦啲蝦肉唔會霉，好彈牙！薯條有啲偏腍，而春卷、咖哩角就普通。成碟炸嘢，主要靠啲番茄醬、泰式辣醬嚟撐場😕。
最後上面係甜品，有布甸、啫喱、同埋蛋花大菜糕，佢哋嘅玻璃杯仲有好盞鬼嘅表情🤪。雖然食得出啲啫喱係用羅拔臣啫喱粉整，但係咁先夠港式嘛🇭🇰🥳。而大菜糕嘅調味適中，相較之下冇咁甜，而家越嚟越少呢啲傳統食物，都幾特別㗎。
今次呢個下午茶套餐，賣相加埋環境方面好有香港特色🙌🏻！但其實食物質素只係一般般嘅茶餐廳水平。食落嘅感覺，同埋價錢都似係將三、四份下午茶餐拼埋一齊，所以呢個餐都係視覺享受為主啦😜！
張貼
