大排檔小炒 (華發大廈)

營業中

休息中

天氣凍凍地，心思思想試想食小炒，揾到間乾淨企理，長期人氣高企嘅大排檔小炒，六點幾去到排晒長龍，十分受歡迎！鹽焗奄仔蟹🦀鹽焗奄仔蟹係大排檔小炒嘅招牌菜，必點之選！奄仔蟹肥美啖啖肉，蟹肉嘅鮮甜同蟹膏嘅油香味完全融合，咬落去仲有鮮甜嘅蟹汁，一隻真係唔夠喉！好好食！魚香茄子煲🍆魚香茄子煲熱辣辣，豬肉碎配上特製嘅豆瓣醬，茄子煮得入味稔身，茄子中和了肉碎的油膩感，送飯一流。西蘭花炒鮮魷🦑西蘭花炒鮮魷夠晒鑊氣，熱辣辣，西蘭花以上湯煮有清甜味，魷魚十分新鮮，爽口彈牙，令人回味。