影片
更多
2024-03-24
4392 瀏覽
港麗酒店自助餐廳咖啡園終於開番啦‼️佢哋最近推岀嘅 「海陸珍寶薈萃」自助晚餐，食物種類多非常吸引，有新鮮海鮮、惹味烤肉、美味刺身、高質熱盤、甜品、任飲果汁、啤酒、汽水，另外加$120仲可以無限添飲指定紅酒、白酒及氣泡酒🥂😍 如果生日之星喺生日月份內預訂自助晚餐，餐廳仲會奉送迷你生日糕點𠻹🎂🥳推介：🔸海鮮🔸每位享用自助餐嘅食客都有4隻即開法國生蠔🦪，肉質鮮甜滑嫩，仲有用上傳統粵式手法燜煮嘅紅燒原隻十頭鮑魚，鮑魚軟腍入味；而冰鎮海鮮方面就有鮮波士頓龍蝦🦞、加拿大鱈場蟹腳🦀（大推👍🏻👍🏻）、大蝦🦐、蜆，樣樣都好新鮮，refill得好快～🔸戶外燒烤區🔸一出到去就聞到濃濃煙熏香味，可以食到多款惹味烤肉：澳洲和牛牛頸脊、紐西蘭羊架、豬頸肉、羊肉腸、燒菠蘿等～🔸即切烤肉🔸澳洲穀飼 100 日牛肉眼🥩 帶濃郁牛肉香，肉質細嫩，油脂豐富～🔸熱盤區🔸必定要食佢哋入口即化嘅即煎鵝肝，配多士食簡直一流！仲有金葉庭出品嘅北京片皮鴨，鴨皮金黃酥脆！意大利釀無骨豬手、紅酒燴牛臉頰亦都唔錯～🔸亞洲風味麵食區🔸有得食清湯牛腩麵、自家製喇沙🍜，配料可以揀澳洲珍寶帶子、越南大蝦～🔸和風之選🔸海膽壽司必定要試，夠甘甜，仲有三文
推介：
🔸海鮮🔸
每位享用自助餐嘅食客都有4隻即開法國生蠔🦪，肉質鮮甜滑嫩，仲有用上傳統粵式手法燜煮嘅紅燒原隻十頭鮑魚，鮑魚軟腍入味；而冰鎮海鮮方面就有鮮波士頓龍蝦🦞、加拿大鱈場蟹腳🦀（大推👍🏻👍🏻）、大蝦🦐、蜆，樣樣都好新鮮，refill得好快～
🔸戶外燒烤區🔸
一出到去就聞到濃濃煙熏香味，可以食到多款惹味烤肉：澳洲和牛牛頸脊、紐西蘭羊架、豬頸肉、羊肉腸、燒菠蘿等～
🔸即切烤肉🔸
澳洲穀飼 100 日牛肉眼🥩 帶濃郁牛肉香，肉質細嫩，油脂豐富～
🔸熱盤區🔸
必定要食佢哋入口即化嘅即煎鵝肝，配多士食簡直一流！仲有金葉庭出品嘅北京片皮鴨，鴨皮金黃酥脆！意大利釀無骨豬手、紅酒燴牛臉頰亦都唔錯～
🔸亞洲風味麵食區🔸
有得食清湯牛腩麵、自家製喇沙🍜，配料可以揀澳洲珍寶帶子、越南大蝦～
🔸和風之選🔸
海膽壽司必定要試，夠甘甜，仲有三文魚、鰤魚、八爪魚、鯖魚刺身，同加州卷、雜錦壽司（帆立貝、甜蝦）🍣，各款刺身都好新鮮～
🔸甜品區🔸
甜品不嬲都係最期待嘅環節，蛋糕款式超多🍰，件件都好精緻，包括有士多啤梨拿破崙、藍莓芝士蛋糕、朱古力布朗尼、焙茶慕絲蛋糕、雲呢嗱焦糖燉蛋、意大利芝士餅、蘋果金寶，每晚特定時段8:15PM仲有師傅即製火焰雪山🔥，鬆軟蛋白霜包裹蛋糕同柑子雪糕，冧上干邑白蘭地加熱，表面燒至焦香，有冷熱交融嘅口感！雪糕更係Haagen-Dazs𠻹🍨～
🔸飲品🔸
有任飲果汁、啤酒、汽水，最值得推介係可以任飲嚟自LAIBA @laibahongkong 兩款樽裝手工雞尾酒：Earl’s Old Fashioned & Twisted Negroni，一款用上whisky，另一款用上gin，酒精濃度大約廿幾%，加入果味，更易入口～
張貼
