影片
更多
2024-05-04
311 瀏覽
讚飲品，彈服務！將兩次茶米茶嘅光顧合併寫。算係湊湊粉，耐唔耐都會幫襯k11 musea同圍方分店，尤其天冷嘅時候，邊爐嘅食物同賣相都唔錯，茶飲又掂！今次想講佢嘅茶飲外賣店--圍方嘅茶米茶。首先力推一襲紅袍，茶底好香醇回甘，超級好味！如果打開邊爐堂食嘅話會加埋雲朵，即係芝士奶蓋，好香好滑，但外賣嘅話，我就冇叫過奶蓋喇，因為見外賣杯封咗頂，冇得直接飲到奶蓋，所以留返堂食時先叫奶蓋。戴返個頭盔先，我唔知外賣有冇另一款揭到蓋嘅外賣杯。如有，不妨試埋佢個奶蓋，真係掂嘅！係時候彈喇，近呢個星期買過兩次外賣，兩次都遇到女店員，一高一矮。高嗰個正常嘅；矮嗰個態度好差，黑晒面食咗火藥咁，眼神唔友善、語氣又堀。仲要係平日嚟，眼見就唔繁忙，唔知咁燥做乜！其實order杯飲品啫，根本唔會有咩交談，完全冇得罪佢大小姐，返工仲要服務行業，唔使妳笑晒口，正正常常已經收貨啦！香港餐飲業唔掂，真係多得呢種人嘅差劣態度！
算係湊湊粉，耐唔耐都會幫襯k11 musea同圍方分店，尤其天冷嘅時候，邊爐嘅食物同賣相都唔錯，茶飲又掂！
今次想講佢嘅茶飲外賣店--圍方嘅茶米茶。
首先力推一襲紅袍，茶底好香醇回甘，超級好味！如果打開邊爐堂食嘅話會加埋雲朵，即係芝士奶蓋，好香好滑，但外賣嘅話，我就冇叫過奶蓋喇，因為見外賣杯封咗頂，冇得直接飲到奶蓋，所以留返堂食時先叫奶蓋。
戴返個頭盔先，我唔知外賣有冇另一款揭到蓋嘅外賣杯。如有，不妨試埋佢個奶蓋，真係掂嘅！
係時候彈喇，近呢個星期買過兩次外賣，兩次都遇到女店員，一高一矮。高嗰個正常嘅；矮嗰個態度好差，黑晒面食咗火藥咁，眼神唔友善、語氣又堀。仲要係平日嚟，眼見就唔繁忙，唔知咁燥做乜！其實order杯飲品啫，根本唔會有咩交談，完全冇得罪佢大小姐，返工仲要服務行業，唔使妳笑晒口，正正常常已經收貨啦！香港餐飲業唔掂，真係多得呢種人嘅差劣態度！
張貼
