農耕記 湖南土菜 (東港城)

營業中

休息中

呢間餐廳試業其間所有菜式半價，日日都大排長龍，我都八卦睇下係咩餐廳，原來係辣嘅湖南菜，我唔食得辣即係唔關我事啦。前排奧運會商場搞活動，用點算換遊戲券送兩張農耕記coupon，滿300可以減100，每次可以用一張。我又心郁郁想試下呢間新餐廳，睇下餐牌原來都有幾款唔辣或走辣嘅菜式，即刻打電話訂枱即晚就去食。當日都有好多人排緊隊，我哋有訂枱好快就安排到座位比我哋，餐廳食辣為主當然會有陣比較濃少少嘅氣味，職員都好有禮貌，上菜好快，食物都唔錯嘅。扣減現金券兩個人食咗五百左右。食評推薦嘅蒜蓉粉絲蝦仁，上菜後要煮到個沙漏流完就可以開蓋，蝦肉新鮮，粉絲都幾惹味。果木脆皮烤雞，對我嚟講真係太瘦喇，雞脾位都有啲似雞胸咁。油豆腐炆拆骨肉(走辣)，油豆腐好味嘅，原來拆骨肉係炆到離骨同碎嘅肉，所以基本上無肉，有啲油膩。招牌蝴蝶魚(免辣)，肉質都幾新鮮，有少少爽口。鹹蛋黃燒賣，比鹹蛋黃吸引所以點，就係有蛋黃嘅糯米，糯米好味過蛋黃。鮮肉米粉，幾大碗嘅淨米，呢隻米粉幾好味。