湘湘娘娘 (已結業)

鐘意食辣既我間吾中就會搵下有咩四川餐廳，今次朋友話尖沙咀有間川菜新開，我梗係即刻約埋佢去食啦。餐廳有吾同款式既川菜，包括冷盤、小菜、水煮、酸菜魚、香鍋同埋飯麵。原來想試個酸菜魚，但最後比個香鍋吸引咗。😋花雕醉雞醉雞汁都好濃花雕味，但雞件就吾係太濃，適合一啲吾太鐘意濃酒味既人。啲雞都幾滑，同埋冷盤嚟講份量都吾錯。😋五香牛展牛展切得好薄，所以咬落去既口感岩岩好，而且吾會太硬。依個冷盤適合一啲食吾到辣又想試川菜既人，因為係用咗五香汁。😋鐵板孜然土豆片依個鐵板土豆片好岀色，炒得好夠火喉，而且土豆片切得好薄同埋炒得夠晒淋。調味都岩岩好，吾會太咸。😋蟹粉小籠包第一次食蟹粉小籠包，覺得小籠包入面既湯好鮮甜，而且肉質都好滑。😋娘娘麻辣香鍋香鍋設有各種配料選擇，本身就包咗3個素同2個肉。我地揀咗萵荀片、粉皮、金針菇、魷魚鬚同埋雞軟骨。但我地仲有其他野想食，就再加咗魚腐同埋花枝丸。香鍋都幾辣，所以吾食辣既，要提前講小辣。最岀色既配料係粉皮，真係好入味。