路邊煱 (已結業)

一直唔覺眼有呢間餐廳, 直至有次有途人問路先發現哈哈。紀念日選擇左打邊慶祝, 本來都爭扎去九龍城果邊定嘅呢間, 不過當日下雨, 咁就選返就腳嘅啦。講返食物, 湯底都唔駛多講架啦, 篇篇都讚, 我們2個人叫左花甲湯，確實係鮮甜, 幾夠味, 好多花甲, 食極都仲有, 湯都飲左幾碗先開始打, 呢個湯底無疑係同出面唔同, 但食物方面....我叫左蝦丸, 手切肥牛, 油炸鬼釀蝦，墨魚滑 , 蠔, 餃子。個人覺得肥牛份量以價錢來講, 相比九龍城曾經幫襯過嘅...係少左d。餃子一般, 唔算好好食, 油炸鬼蝦係特別嘅, 但油炸鬼已經唔係好脆, 蝦丸和墨魚滑偏貴, 又未算好突出。如果以湯底來講就冇得輸, 但食物新鮮同好味程度, 我會投九龍城果邊嘅大邊x一票