Thai Fire

大蝦柚子沙律伴無骨雞爪今次因為過敏走咗蝦，呢道菜都清新又開胃，柚子酸酸甜甜，配埋無骨雞爪嘅彈牙口感，好啱做頭盤。雞爪夠哂入味，配埋沙律汁，唔會太膩，食完想再嚟多啲。椰子雞湯湯底帶住天然椰香，好清甜，雞肉嫩滑唔柴，飲落仲有啲椰子嘅清潤感，暖胃又滋潤，冬天飲一流。湯底無多餘嘅調味，真材實料，健康又好味。炭燒豬頸肉拼雞肉及牛肉串燒燒烤香氣十足，豬頸肉油脂豐富但唔膩，雞肉嫩滑，牛肉串燒仲有少少焦香，啖啖都係滿足感。配埋啲泰式醬汁一齊食，成件事升級！酥脆盲鰽外皮炸到金黃酥脆，一咬落去脆卜卜，魚肉鮮嫩唔會乾柴。調味啱啱好，唔會搶走魚本身嘅鮮味，配啲檸檬汁更加分，簡單又好味。彩虹椰汁糕呢款椰汁糕又靚又好味，一層層彩虹仲可以撕出嚟，椰汁味香濃同埋口感滑溜，整體唔會太甜夠椰香泰火特飲茶香清香撲鼻，玫瑰香氣溫柔細膩，飲落好舒心。唔會過甜，茶底清爽，口感輕盈。係一杯好適合飯後飲嘅花茶，幫助消化又放鬆心情。芒果沙冰芒果味濃郁，果肉仲係甜到漏，沙冰夠幼滑，唔會太甜膩。夏天嚟杯呢個，清涼又解渴，仲有少少奶香，好滿足！