魂 (已結業)

第一次食呢間拉麵鋪，入到去嗰店長已經好好服務咁介紹晒唔同拉麵嘅特色俾我同我個friend。第一次見拉麵鋪係平板電腦落單，夠環保不過咁啱嗰個時段個system壞咗，要用紙落點左一碗火龍，一杯青龍。冇諗過火龍嘅蕃茄同，辣汁會係甘夾，辣度啱啱好，而且亦好重三文魚味。青龍個菠菜汁湯亦都好特別，啲湯有味得來又有好fresh嘅感覺，一啲都唔"留"。其實我個人覺得拉麵個湯底係最緊要嘅，好多拉麵嘅湯係好飲不過飲多兩啖會有啲"留"，但佢呢度啲湯真係令到人哋想成碗飲晒佢。呢兩個湯底係值得推介嘅