影片
更多
2023-03-23
2908 瀏覽
趁老婆返學夜，得番一支公，出嚟旺角睇睇波鞋，順便食埋晚飯先返歸， 因為得一個，所以食得好隨意，咁快靚正梗係茶餐廳啦，晌鐵站口見到「龍城冰室」，選擇多，最主要喺門口見到有啲招牌海鮮湯泡飯系列。而家好多茶記、冰室都比較小型，然而呢間「龍城」屬於大鋪，地方大，但格局都喺一貫茶記樣，以卡位為主，裝修就無話玩咩懷舊，勝在夠光猛，最好喺就算處於旺角呢種旺區，都唔會擠到啲枱櫈好逼。食物選擇方面唔講喇，因為作為香港人都知，茶記差唔多要乜有乜，乜餐物餐，碟頭粉麵飯……等等一應俱全，自行慢慢睇個餐牌有咩啱食。老套啲都要補充兩句，基本調味、餐具放晒晌枱側嘅抽櫃中。海鮮湯龍躉泡飯 $69餐牌都特別標明，記得飲湯，真喺無誇張，個湯底真喺好鮮甜，絕無欺場，唔飲真喺走寶，所以，小弟真喺一滴都無嘥，全碗飲晒；再試試啲龍躉，睇相你都見到大大件，而且，煎過嚟，絕對唔喺「求其」，食落魚肉非常嫩滑，好有魚鮮味，貨真價實，加埋其他配菜，勝瓜呀、木耳呀……等等，兼飯粒又分明，故此，整體嚟講真喺可以俾10分佢，不愧為店家推介。懷舊紅豆冰 +$9落單先留意到泡飯系列喺唔跟餐飲，不過要加飲品都好平，熱飲加$3，凍飲加$6，特飲先加$9
而家好多茶記、冰室都比較小型，然而呢間「龍城」屬於大鋪，地方大，但格局都喺一貫茶記樣，以卡位為主，裝修就無話玩咩懷舊，勝在夠光猛，最好喺就算處於旺角呢種旺區，都唔會擠到啲枱櫈好逼。
食物選擇方面唔講喇，因為作為香港人都知，茶記差唔多要乜有乜，乜餐物餐，碟頭粉麵飯……等等一應俱全，自行慢慢睇個餐牌有咩啱食。
老套啲都要補充兩句，基本調味、餐具放晒晌枱側嘅抽櫃中。
海鮮湯龍躉泡飯 $69餐牌都特別標明，記得飲湯，真喺無誇張，個湯底真喺好鮮甜，絕無欺場，唔飲真喺走寶，所以，小弟真喺一滴都無嘥，全碗飲晒；再試試啲龍躉，睇相你都見到大大件，而且，煎過嚟，絕對唔喺「求其」，食落魚肉非常嫩滑，好有魚鮮味，貨真價實，加埋其他配菜，勝瓜呀、木耳呀……等等，兼飯粒又分明，故此，整體嚟講真喺可以俾10分佢，不愧為店家推介。
海鮮湯龍躉泡飯
$69
16 瀏覽
0 讚好
0 留言
懷舊紅豆冰 +$9落單先留意到泡飯系列喺唔跟餐飲，不過要加飲品都好平，熱飲加$3，凍飲加$6，特飲先加$9。平常嚟茶記都喺穩膽之選熱奶茶，不過諗住食個泡飯熱死焫焫，索性整杯紅豆冰嘆下。冰凍紅豆冰襯泡飯真喺冰火兩整，最緊要喺啲紅豆煮得夠腍，豆香清甜，份量仲多到好似食咗碗紅豆沙咁，爽呀！
一支公食餐飯，快上快落，就算喺茶記快食，食得飽飽之餘又滿足，閃得。
張貼
