火鍋頭

營業中

休息中

台灣朋友到港旅遊想試下港式火鍋，網上見評價不錯及網上訂位有八折優惠決定試試，但要留意折扣不包括酒類飲品、牛肉及時價海鮮。未開始前先試一下湯底，湯頭非常濃厚，胡椒味香帶輕微胡椒辣，湯底除豬骨外有大量粟米、芹菜及蘿蔔，好夠味好好飲。本地牛比較瘦，牛味濃但肉質較粗。安格斯牛雪花均勻，牛味濃肉質嫩滑。粟米非常甜貢丸麻麻，肉質奇怪。黑椒牛筋丸黑椒味濃，口感彈牙，內裡juice。鵝腸夠肥好爽口油麥菜新鮮自家製鮮蝦廣式雲吞豬肉及鮮蝦比例平均，鮮蝦彈牙。招牌粒粒墨魚丸有粒粒墨魚肉，口感彈牙。白鱔片爽滑，略嫌太薄。鮮炸金響鈴炸得鬆脆唔油無油膉味，夠厚可吸收湯精華。