源記餐廳 (已結業)

今日同幾個朋友去開銅鑼灣, 四圍都係人, 又唔想食譚仔, 又唔想食南記喎~ 咁有朋友提意去食源記, 我問係咪以前去親紅館睇SHOW係樓下食個間, 佢地話係~ 真係不少童年回憶啊, 原來佢地而加開咗好多分店~ 今日我地去TIMES側邊個間~ 好期待丫~ 入到去睇下價位, 其實十年都無乜大加價~ 都係差唔多, 扺食架~ 我地叫咗兩個咖喱牛腩飯,好多牛腩, 好入味, 咖喱有椰香~ 好正~另叫多個淨四寶SHARE, 墨丸好有墨魚味, 彈牙, 魚蛋鬆軟, 有水準~ 不得不提佢地既咖啡~ 勁香, 勁濃提神一流丫~總結: 值得推介, 價錢合理, 扺食~