木火堂 (已結業)

今晚車車係附近工作完又買埋超中意嘅曲奇餅之後就去左附近搵野食, 係斜路見到E間串燒, 諗起好似好耐無食過, 於是就入左去試下!🌟提子乳酸梳打🌟白桃乳酸梳打🌟汁燒豚肉韭菜卷爽脆嘅韭菜帶獨有香氣, 滲哂入豚肉入面, 食落口感豐富🌟金菇肥牛卷金菇好juicy, 沾滿肥牛嘅肉汁🌟汁燒安格斯牛仔骨牛仔骨味道濃郁, 非常惹味🌟免治雞肉串食落味道不錯, 沾上蛋汁後更美味🌟大蔥雞肉串大蔥雞肉向來都係必食之一, 爽脆嘅大蔥配上啖啖肉嘅雞肉, 真係無得輸🌟日式燒手羽手羽燒得好香口, 外脆內嫩🌟清酒花蛤花蛤鮮甜味美, 湯汁都充滿住鮮味🌟蒜蓉焗娃娃菜娃娃菜爽口清甜, 上面舖滿蒜蓉, 蒜香十足🌟煙肉荔枝卷荔枝香甜爆汁配搭煙肉無得輸🌟菠蘿味道甜甜酸酸, 多汁又開胃🌟昆布湯烏冬食完串燒食番碗清清地嘅烏冬, 十分滿足