密密燒

營業中

休息中

放咗工同朋友喺深水埗食飯，好耐冇BBQ。咁熱嘅天氣約埋一齊喺有冷氣嘅餐廳度BBQ，真係最高級嘅享受。呢間餐廳主打港式風格串燒，串燒用一支支簽簽串起，每支籤下面都有個小齒輪，只需要將整存串燒放喺燒烤爐上面，串燒就會自動旋轉，幫你燒得好好味，火喉亦非常均勻。每次嚟食都會食🩷豆卜，燒完之後外皮非常脆，搽上燒汁，或者薄荷汁都非常好味。🩷三色甜椒清爽嘅口感，另外一食上癮，而且青椒味道非常濃郁，啱晒重口味嘅我。睇住呢串🩷牛西冷係燒爐上面一直轉，已經流緊口水，而且仲要燒得非常靚非常均勻，香味飄散，一口一粒牛肉，口裏面充滿牛肉味。好少任食嘅串燒餐廳有羊肉，呢度竟然有🩷羊卷肉，半卷肉係羊腩嘅部份，脂肪比較多，鍾意食腍身肉嘅朋友就啱晒。🩷雞潤味道超濃，質地軟潤，非常推介大家食。🩷鴨胸肉質結實，鴨味濃郁。🩷燒大啡菇水份滿滿，燒完香味更加濃郁，非常好食。