朱哥古早味蛋糕

營業中

休息中

同阿姨係元朗大橋街市買餸，今晚準備去親戚屋企開大餐，媽咪係到同姨丈佢地手打麻雀話好肚餓叫我買d 蛋糕返去比佢地 Tea 一 Tea 喎。我就去左 “朱哥”到買返3個古早味蛋糕返去同佢地一齊食。 朱哥果到蛋糕口味有5款，我就選擇左，原味， 黑糖核桃和朱古力3款。原味古早味蛋糕口感軟綿綿，蛋味濃郁。黑糖核桃古早味蛋糕，黑糖的甜味好香，核桃烘得剛好，黑糖和核桃味道好夾。朱古力古早蛋糕最出式，可能因為剛出爐， 比佢的香氣吸引了，切件後中間的朱古力醬唔會過甜， 濃濃朱古力香，吸引住我地班後生仔女一件接一件咁食。而阿姨佢地就好buy 原味和黑糖核桃。呢到有半件買的， 方便d 老人家，因為佢地驚食唔哂。溫馨提示🤗古早蛋糕食唔哂可以放入雪櫃，第二日再叮返熱食一樣咁好味。