朱哥古早味蛋糕

營業中

休息中

其實經過這間舖頭已經很多次，每次都係望吓然後就走咗，今次終於幫襯佢一次，我買咗海鹽黑糖蛋糕(HKD50)，佢好多付款平台都可以用。當我拎上手，就覺得好有份量，不是輕飄飄的感覺，於是就9秒9返屋企試下，一打開包裝盒，就聞到好香蛋糕味，真的很香😋，個蛋糕真係好大😱，即刻切開佢嚟食，第一啖食落去，很軟綿綿，有質感，不是食空氣的感覺。跟住就感覺到很濃烈嘅黑糖味道👍🏻，食多兩啖，感覺有很少很少很少的黑糖漿，唔知係咪我感覺錯😅，雖然有濃烈嘅黑糖味道，但係唔甜，值得一讚，下次會試吓其他味道🥰。

個流心芝士味超好食，放左入雪櫃，都識流！正！份量又大，完全對得起個價錢！老細又好人，話可以打電話去問有冇想要既味道。唔洗白行，nice!熱食，正。但個人覺得雪凍重好食！

朱哥古早味蛋糕 (元朗)元朗壽富街51-59號元朗中心地下2B號舖原味蛋糕$50蛋糕鬆軟，很香蛋味，甜度適中。入口鬆花的程度令人滿意，重點是甜度不過，非常健康，吃得來還是很放心。黑糖核桃蛋糕$60黑糖合桃，蛋糕表面上鋪滿了合桃，喜歡吃合桃的朋友非常適合，核桃好大粒，而且蒸過之後沒有變淋。黑糖配合核桃絕配，黑糖甜度適中，甜味帶有糖果香。流心芝士蛋糕$75這個是必食之選，流芝士非常香濃，溶溶的芝士在裏面，每口都食到香香的芝士鹹鹹香香的跟甜甜的蛋糕非常絕配。

🌈完美口感古早味🍯相信大家對古早味蛋糕都會又一定認識因為啲鋪頭開到成行成市( ̀⌄ ́)但真係好味又抵食嘅又有幾多間呢～今次元朗呢間朱哥 認真唔錯因為味道選擇特別口感綿密 價錢實惠絕對物有所值✨今次分別買咗三隻口味伯爵茶（老闆推介的新口味）黑糖合桃（比較少見的配搭）芝士味（特選芝士夾層 蛋糕基底亦有cream cheese成份）(⁎⁍̴̛ᴗ⁍̴̛⁎)果然無令我失望每一款都非常美味每隻味道都獨一無二亦不失蛋糕基本有嘅奶蛋香👍🏻食唔曬一大件唔緊要店舖都有半件半件出售即日食唔曬記得放入雪櫃啊保鮮期多兩日😋📍朱哥古早味蛋糕元朗壽富街51-59號元朗中心地下2B號舖#元朗美食 #古早味 #古早味蛋糕 #元朗 #yuenlong #hkig #hkfoodie #hkcake #hkcakeshop #hkfood #hkfoodblogger

💖屋企人最鍾意食古早味蛋糕🍰，當正餐或者小食都可以。今日經過元朗見到呢間買古早味蛋糕，咁啱特價時段， $40就有一大件，而且望落都幾靚仔，即刻買黎試吓！1⃣️流心芝士🧀 $60 (原價$75)💖一切開就有芝士拉絲🥰芝士味香濃，鹹香味重，蛋糕表皮微焦，食落更香。蛋糕細軟綿密，呢款有飽足感，當早餐食最正。2⃣️黑糖核桃 $40 (原價$60)💖表層灑滿合桃，足料又健康。蛋糕軟綿，配上粒粒合桃，咬落去口感豐富。配上獨特嘅黑糖獨特香味，香甜但不膩。3⃣️抹茶紅豆🍵 $40 (原價$60)💖望顏色咁深色就知好足料，抹茶味香濃，啱晒抹茶控。紅豆蓉香甜，蛋糕口感濕潤。💖佢哋可以要半分或者一分，仲有原味同朱古力味🍫。店員態度好好，做嘢都好快手。佢哋嘅蛋糕都好足料，而且口感濕潤綿密，幾抵食。舖頭喺元朗康樂路輕鐵站附近，下次經過再嚟幫襯先！

一向都好鐘意古早味蛋糕 係元朗行行下見到竟然比我發現到有間新開既古早味蛋糕! 即刻就去買左幾舊試下😋平時有5款味 呢日仲有特別味 係earl grey !😋我就一次過買左4款味試下 包括earl grey 黑糖核桃 芝士 同朱古力 個人對味道既排名係 earl grey > 芝士 > 朱古力 > 黑糖核桃🤣D蛋糕好濕潤 好軟熟! 味道唔係超超超濃個隻 但都好食得出每隻味既分別 同埋唔會好甜 就算唔鐘意食甜野既屋企人都鐘意😍😍芝士同朱古力入面仲有一層餡 但貪心既我希望如果芝士同朱古力蛋糕中間可以多D餡就好喇! $60大大舊 真係幾抵食 仲可以放3日 唔洗擔心要一次過食哂！熱食同凍食都好好食! 下次要再幫襯❤️

有一排冇食古早味蛋糕🍰，突然好想食，一諗就諗起呢間在元朗的朱哥😋👍🏻👍🏻‼️‼️最喜歡佢哋的蛋糕夠大件，完全唔會縮水，品質保證‼️👍🏻👍🏻👍🏻🍰🍰🍰📍朱古力味🍫（$60）喜歡這個蛋糕，非常柔潤鬆軟，味道健康不太甜，朱古力味濃郁，蛋香味亦出眾😋👍🏻📍流心芝士🧀（$75）好大舊😆👍🏻👍🏻芝士味夠濃，鹹鹹香香，中間用了芝士醬，因此凍食熱食都是留心的🧀🧀📍抹茶紅豆蛋糕🍵（$60）軟熟濕潤，喜歡他們抹茶味夠香，整體不會太甜，有蛋香，配合粒粒紅豆醬有口感👍🏻

呢間大橋街市附近呢古早蛋糕店，口味相對比起其他大部分嘅古早蛋糕店嘅十幾二十款要少，只有六款，分別係原味、黑糖核桃、流心芝士、伯爵茶、朱古力同抹茶紅豆。佢哋可以一盒雙拼，方便客人可以一次試多啲唔同口味。於是我揀咗原味、黑糖核桃、抹茶紅豆同朱古力。蛋糕外皮完整，食落有小小焦香味。蛋糕濕度啱啱好，令到口感鬆軟Q彈。個人覺得黑糖核桃最好食，因為黑糖有獨特嘅香甜味，而粒粒核桃又豐富咗口感，增加咗甘香。原味雖然相對普通，但蛋香味濃，係最簡單原始嘅味道。朱古力味都好濃郁，中間夾咗一層流心朱古力，有啲食緊心太軟嘅感覺。抹茶紅豆無論口感顏色還是營養上本來就係絕配，清新嘅茶香配香甜嘅紅豆，用嚟做古早蛋糕當然都係冇得輸。

講真！又唔係話唔好食既！但係其實係好普通既野囉！可能係少人幫襯攪到啲蛋糕擺耐左影響都未定！買左件原味已經即刻行上樓上office到開餐！頂！10分鐘已經凍左9成！又唔軟熟！我承認行過係幾香既！但係買落完全唔對版！第一次買古早味蛋糕返office係冇同事幫襯！原來佢地全部都中過伏話呢間野咪攪！仲諗住自己唔岩食都搵人幫手食下唔洗浪費食物！到最後好在有個清潔姐姐肯幫手攪掂佢！如果有時間真係行過又新街果邊好食好蛋！

近期愛上食古早味蛋糕，今日係元朗見到呢間「朱哥」，價錢相當相宜， 就買黎止下癮啦。蛋糕有六款口味，一盒可以選擇雙拼，有別於一般古早味蛋糕店，半件只係一件嘅一半價錢，唔需要額外加錢，算係相當抵食。原味蛋糕 : 蛋味好香濃，入口相當鬆軟，味道唔會太甜，四款口味中個人最喜歡。朱古力味 : 有別於一般古早味朱古力蛋糕有朱古力粒，蛋糕中間有一層朱古力醬，令蛋糕朱古力味更濃郁，最適合小朋友食。伯爵茶味 : 賣相呈淡茶色，聞落好香伯爵茶味，味道唔太甜，配埋一杯咖啡食就最適合不過啦。抹茶紅豆味 : 抹茶味香濃嘅蛋糕，中間夾有一層紅豆蓉，賣相吸引，食落茶香中帶點甜，味道好有層次。餐廳仲做緊優惠，買一盒蛋糕就會有五蚊現金券，可以下次再買嘅時候用，真係相當親民。

舖位喺正元朗大橋街市對面，相當就腳。隔住玻璃見到一底底唔同款式古早蛋糕，飽滿又靚仔，共有七款味道。原味 ($50)食到雞蛋香味，糕體棉密濕潤，切面好靚沒有大汽泡。入口鬆軟，稍為搖下佢仲似寧桃臀 🍑 咁震震震，巧迷人。🫖 伯爵茶 ($60)入口唔甜，後勁凌厲，一陣茶香同甜味慢慢滲出黎，食完鼻腔留有茶香。超回味！黑糖合桃 ($60)蛋糕用黑糖製，整體冇咁甜，比較健康。舖面香烤合桃，好食之餘補充下腦力 🧠 🍫 朱古力 ($60)純黑可可製，濃情蜜蜜 💕 但又唔會死甜，中間仲有一層流心朱古力，味道有層次，食到底都唔漏。🍵 抹茶紅豆 ($60)抹茶隻茶粉味道香濃，紅豆起沙增添甜味，歎口cake有瞬間遊日本嘅感覺 🇯🇵 ⛩🧀 流心芝士 ($75)即使雪左一晚先食，中間層芝士切開之後依然有流心效果 🫕 芝味無窮。身為古早控，呢款蛋糕都成日焗，每次佐水焗至少個幾鐘😪 唔同口味時間拿揑都唔同，要有咁鬆軟綿密都真係好考功夫👍🏻暫時七款裏面最愛原味同伯爵茶，敲碗希望快快有肉鬆口味🤩

好耐之前系Instagram見到佢地嘅廣告就比佢地嘅朱古力蛋糕吸引，今日終於去左街市果邊幫襯😙😙古早味蛋糕愈開愈多，不過朱古力味，而且仲要【中間有層朱古力醬🍫】，就非常少見 而我初初都係比佢嘅朱古力醬吸引先講缺點：的而且確係唔夠冧同鬆軟唔會用力按落蛋糕有個凹手指印嘅地步但返到屋企打開個盒，見到佢切到正正方方，好整齊，好靚我超鍾意佢嘅夾心朱古力醬，雖然唔算話有陣好濃香嘅朱古力味湧出尼，但食落唔會甜到漏比較合我個人口味，而且出面好難買到原價$60，但店舖哥哥話每日過左5-6點都會平啲，我買時就$48，價錢尼講算抵食場武漢肺炎爆左咁耐，要做生意好難，一定要加油

古早味蛋糕店愈開愈多，今日試左間值得推介既小店!呢間朱哥古早味蛋糕位於元朗中心地下，全人手即製即焗。有6款口味選擇，各有特色，包括蛋香原味、黑糖核桃味、流心芝士味、抹茶紅豆味、朱古力味同伯爵茶味。每日分時段新鮮出爐，熱騰騰充滿蛋香~黑糖核桃味面層鋪上粒粒酥脆合桃，蛋糕鬆軟綿密，黑糖味突出，甜度剛剛好。流心芝士味鹹香芝士味夠濃郁，蛋糕軟綿而不失彈性，有流心效果，更增口感。抹茶紅豆味甘香抹茶味夾著綿滑紅豆蓉，蛋糕軟滑濕潤不黏口。伯爵茶味茶香十足，蛋糕微甜而不膩，蛋香味濃夠鬆軟，有驚喜。

大橋街市附近開了一個朱哥古早蛋糕，每次一開爐就有好多人排隊買蛋糕。有好多款不同的口味，比較young 是年輕人都喜歡的口味。人人食早古蛋糕，我又要食，可以半份半份買 食多幾種味。.伯爵茶味 （試食價$50盒！）- 啖啖幽香的伯爵茶味，好elegant的味道，女士們可切成一塊塊當下午茶食打卡一流。流心芝士 - 中間有一層流心芝士，有拉芝的效果！好cheesy 柔韌。流心朱古力 - 香濃朱古力，有口甘的味道，不會太甜，小朋友應該好喜歡。中間也有一層流心朱古力，更濕潤可口。黑糖核桃 - 食得出有黑糖的香，又有核桃，感覺好滋陰，很適合媽媽老人家。.蛋糕質地鬆軟又濕潤，蛋味香濃，質地綿密，很不錯的古早蛋糕。

心郁郁想食古早蛋糕 本身諗住去一x貓買嘅 但無意間見到呢間朱哥 就起身搭的士去返到屋企嗱嗱林打開影相 都係諗住試下冇乜期待嘅見個樣都唔吸引 但原來內裡有點小驚喜真係流心 ！真係拉絲嘅 ！蛋糕整體我覺得唔差嘅 ，但可以更加鬆軟而蛋香味不足味道較清。而芝士嘅份量唔多 芝士有點淡色。個人覺得呢轉返用黃色個隻車打會好啲個味會香好多不過味道係唔差嘅。但朱古力味冇特別 。我對古早記嘅芝士古早蛋糕會深刻好多。由於屯門太多人 唔敢去搏 嘥時間 嘥車錢