Ann Mamma Thai kitchen by 張秀玲

營業中

休息中

今日同屋企人嚟到荃灣，見好耐冇嚟依間泰國餐廳食嘢，就決定入嚟試吓食個午餐，睇吓啲水準有冇變。午市套餐選擇都算多，而且睇落去都好似幾好食。首先，我叫咗一個泰式香葉肉碎煎蛋飯。肉碎炒得好香、好惹味，偏辣，撈飯食一流👍🏻另外屋企人叫咗一個黃咖喱牛腩配白飯。牛腩整得好腍，好入味。咖喱汁唔太辣，但係薯仔整得比較有啲生。飲嘢方面，我哋分別叫咗一杯凍嘅泰式奶茶同埋一杯凍嘅青檸梳打。泰式奶茶整到好地道，好好飲，唔會太甜。而青檸梳打都好清新，都唔會太甜。