喜記蟹將軍

營業中

休息中

同朋友講咗好耐嘅食蟹，終於可以起行！我哋兩個女仔叫一隻肉蟹、再要啲小菜、仲有蟹油炒麵，估唔到細細隻都幾夠食！肉蟹（一隻、細嘅）$788有種椒鹽炒蟹、辣度可以任揀。由於本身我自己唔係好食得辣，所以就叫咗小辣。蟹d炸脆配埋食都正，肉蟹新鮮啖啖肉。豉椒炒蜆 $108蜆個汁都正，好似帶少少甜咁，蜆肉新鮮，火候十足，非常惹味。椒鹽九肚魚 $108九肚魚幾外脆內嫩，即炸所以入面仲熱，有椒鹽味，調味得唔錯。乾鍋花菜 $98呢隻椰菜花用咗醬油嚟炒，所以有一種食緊啫啫煲嘅感覺。招牌蟹油炒麵 $88同平時嗰啲豉油王炒麵唔同嘅地方，但係佢用咗蟹油嚟炒，所以食個淡淡海鮮嘅感覺。都幾特別。呢度係中菜廳嘅格局，座位都幾舒適。