更多
2024-07-24
929 瀏覽
呢間銅鑼灣📍人氣西班牙🇪🇸餐廳 SABROSA 地點好近銅鑼灣港鐵站🚇,過咗七點半後全場滿座😆,因為佢出品高質性價比💰幾好,所以我久唔久都會嚟☺️幫襯下!呢度嘅餐前包🥖外脆內軟,配上少許橄欖油💧同埋陳醋十分開胃🤤。迷你🇲🇽墨西哥夾餅配吞拿魚他他一盤有五小件🌮,一啖一件大細啱啱好,個餅底🫓好香脆上面有軟滑嘅牛油果醬🥑同埋新鮮嘅吞拿魚他他碎🐟,頂部加上一小段墨西哥辣椒🌶️,食起上嚟有少少香辣好惹味🤩!呢度製作嘅傳統🇪🇸西班牙烤乳豬十分高質😍令人讚嘆不已!配嘅蜂蜜蘋果蓉醬 🍎 香甜解膩,搭配烤乳豬😋絕對係一流之選;另外些利酒烤豬汁 🥃 味道香濃,提味一流🥰,令烤乳豬更加美味!烤乳豬🐖個皮又薄又鬆脆,肉質烤🔥到近乎入口即化,勁肥美甘香👍。佢哋嘅🦀蟹膏釀西班牙飯用原個蟹蓋上枱,吸睛程度滿分👀。香濃嘅蟹膏充滿咸鮮滋味,滴上🤏少許青檸汁提鮮,再撈埋下面嘅🇪🇸西班牙飯🍚,一齊食勁甘香鮮味🤤!
張貼