影片
更多
2018-01-29
661 瀏覽
喺元朗都有唔少連鎖糖水店，老早見過呢間滔滔甜品嘅介紹，評語好壞參半，唔知係咪新開時水準未穩定，我都專登等到而家先黎試，畢竟好食定唔好食，都要自己試過先知。鋪頭喺裝潢上都落左d心機，有少少懷舊感覺，室內外都有位，我地見唔係太涼，就決定坐外面，原來d摺枱都印有店名，幾可愛黎到時大約5點零鐘，估唔到有咁多人同我地一樣，飯前食糖水。主要供應中式糖水，例如芝麻糊、杏仁露、湯丸、紅豆沙、綠豆沙、涼粉、雪耳、西米露等，價錢就唔貴，2、30蚊。亦都可以加料，例如地瓜圓、芋圓、雪糕、湯丸、清心丸、海底椰等，款式都幾多。熱石磨核桃糊 22加左7蚊兩粒湯丸，一共29蚊。核桃糊杰身、相當濃烈，唔會有粉感，甜度適中加左兩粒湯丸，咬落去皮好軟，餡料必出來，花生都好香。如果湯丸皮再煙un，挺身番少少會更加好。熱木瓜雪耳燉桃膠 29加左7蚊配地瓜圓、芋圓，所以一共36蚊我地啊係經常食養眼糖水，請教過店員先知原來而家都興將桃膠加入中式糖水，佢話係一種植物，桃樹分泌。整體糖水燉出來都相當具份量，幾足料。除左有木瓜、雪耳、桃膠，我地加左芋圓、地瓜圓。呢d滋陰糖水一般都會甜d，個人認為可以接受，而且料多過水，味道唔錯桃膠份量
黎到時大約5點零鐘，估唔到有咁多人同我地一樣，飯前食糖水。
主要供應中式糖水，例如芝麻糊、杏仁露、湯丸、紅豆沙、綠豆沙、涼粉、雪耳、西米露等，價錢就唔貴，2、30蚊。
亦都可以加料，例如地瓜圓、芋圓、雪糕、湯丸、清心丸、海底椰等，款式都幾多。
熱石磨核桃糊 22
加左7蚊兩粒湯丸，一共29蚊。核桃糊杰身、相當濃烈，唔會有粉感，甜度適中
加左兩粒湯丸，咬落去皮好軟，餡料必出來，花生都好香。如果湯丸皮再煙un，挺身番少少會更加好。
熱木瓜雪耳燉桃膠 29
加左7蚊配地瓜圓、芋圓，所以一共36蚊
我地啊係經常食養眼糖水，請教過店員先知原來而家都興將桃膠加入中式糖水，佢話係一種植物，桃樹分泌。
整體糖水燉出來都相當具份量，幾足料。除左有木瓜、雪耳、桃膠，我地加左芋圓、地瓜圓。
呢d滋陰糖水一般都會甜d，個人認為可以接受，而且料多過水，味道唔錯
桃膠份量不少，食落幾爽，有少少似燕窩咁嘅口感，味道清淡。
加配嘅芋圓、地瓜圓質素中規中矩，芋圓芋味較淡，地瓜圓蕃薯味一入口已經溢出。
略嫌質地唔夠煙un，比較腍黏，如果做番Q彈點，會更加完美。
木瓜有三大件，腍身，木瓜味香。
底部有好多雪耳，物有所值，入口爽滑
張貼
