影片
更多
2018-01-07
1691 瀏覽
呢間瘋狂小麵初初開嘅時候已經黎過一次，當時同個朋友黎，事後我都有不時同男朋友提起佢地嘅冰粉，令我印象頗深刻。喺中環搵到間食川菜都唔容易，我唔熟路嘛，開心星期五收工同佢一齊過黎試下，估唔到咁好生意，當中有唔少內地客人，甚至有啲係四川人，仲有好多外國人，哈哈。其實佢地喺內地都有分店，屬於當地地道小麵店，雖然位處商廈嘅樓上店，又冇乜宣傳，都有唔少人知道餐廳位於士丹利街南記樓上，電梯上一樓，店面裝潢都有點心思，中式屏風、瓦片裝飾、木枱。餐牌供應套餐，定價$68/78/88，包括麵食、飲品/小食/甜品，又有好多人會點嘅地道串串香，有葷有素自選今次交由男朋友發辦，點左兩個$88套餐，包括兩碗麵、小食兩款（可加錢升級其他款式）、兩杯飲品、兩碗甜品。湯麵 - 瘋狂牛肉麵、瘋狂大排麵(+肥腸 $12)：兩碗麵我地都揀左紅湯，即係辣，同一般食酸辣野一樣，都可以自選辣度/麻度，蔥、芫茜呢啲都可以要/唔要。咁我就食得辣啲，所以點少辣，男朋友就揀左BB辣。麵質外型有啲似擔擔麵，食落唔算好煙韌，實啲，換句話講會飽肚啲牛肉份量都唔少，亦都唔會太細件，味道有啲似牛腩，入口腍身！湯底揀左少麻少辣，啱啱好，食到飲到，唔會
餐廳位於士丹利街南記樓上，電梯上一樓，店面裝潢都有點心思，中式屏風、瓦片裝飾、木枱。餐牌供應套餐，定價$68/78/88，包括麵食、飲品/小食/甜品，又有好多人會點嘅地道串串香，有葷有素自選
今次交由男朋友發辦，點左兩個$88套餐，包括兩碗麵、小食兩款（可加錢升級其他款式）、兩杯飲品、兩碗甜品。
湯麵 - 瘋狂牛肉麵、瘋狂大排麵(+肥腸 $12)：兩碗麵我地都揀左紅湯，即係辣，同一般食酸辣野一樣，都可以自選辣度/麻度，蔥、芫茜呢啲都可以要/唔要。咁我就食得辣啲，所以點少辣，男朋友就揀左BB辣。麵質外型有啲似擔擔麵，食落唔算好煙韌，實啲，換句話講會飽肚啲
牛肉份量都唔少，亦都唔會太細件，味道有啲似牛腩，入口腍身！湯底揀左少麻少辣，啱啱好，食到飲到，唔會好油膩，幾香。
大排骨就好似啲一字骨，有三、四件，有骨有軟骨，而且排骨燘得好腍，一咬就散，另外加錢追加左肥腸，份量唔多，好在味道都唔錯，又腍又入味，肥膏已經清走
肥腸(+$12)
46 瀏覽
0 讚好
0 留言
小食 - 棒棒雞(+$28)、泡椒鳳爪：棒棒雞有啲口水雞感覺，麻麻香香，雞肉切到薄薄一片，肉多骨少，不過就貴啲，因為要加28蚊啊
棒棒雞(+$28)
17 瀏覽
0 讚好
0 留言
而泡椒鳳爪一向都係我心頭好，醃得好入味啊，辣辣地，又香椒味，醒胃如果有單點，我都會再食啊。
泡椒鳳爪
34 瀏覽
0 讚好
0 留言
飲品 - 凍檸茶(+$3)、冰糖雪梨汁(+$5)：雪梨汁有明顯雪梨渣，冇加糖水，味道清甜。
甜品 - 成都老冰粉、紅棗銀耳湯：老冰粉係我一直同男朋友提起嘅，味道好清爽，而且好解辣，質地有啲似啫喱。裡面都幾足料，有花生、山渣、酒糟、芝麻、提子乾等銀耳湯都好足料，暖暖地較為養生，味道較為清淡，雪耳唔算十分爽，較為腍身，甜度唔高，幾滋潤呢。
成都老冰粉
28 瀏覽
0 讚好
0 留言
紅棗銀耳湯
31 瀏覽
0 讚好
0 留言
經店員大力推介，我地就點埋呢個新出(?)嘅【雪豆蹄花湯】，話係冬天限定啊，好暖胃。
雪豆蹄花湯 $188：類似大鍋麵嘅盤上，湯底好清，冇乜油份。裡面有原隻豬手、大量雪豆。雪豆大大粒，有啲似眉豆嘅味道，煲到好腍。
湯底清甜，藥膳味有，但唔會好難入口，一般人即使怕藥材味嘅，都可以接受。豬手原隻燉到腍哂，用筷子輕輕一夾，已經食到，湯底令豬手好入味，肉質嫩腍，膠質出哂黎。鐘意食豬手嘅男朋友獨食一隻，我就主力飲湯，好滋補
雪豆蹄花湯
$188
32 瀏覽
0 讚好
0 留言
雪豆蹄花湯
$188
93 瀏覽
0 讚好
0 留言
張貼
