潮州合成甜品

營業中

休息中

放工後，有少少肚餓，同埋想同同事搵個地方坐低，食下野傾吓偈，於是就去咗呢間甜品店。由於我哋唔係太肚餓，而且都想食啲滋補嘅糖水，所以我哋一人叫咗一碗嚟食，分別係滋補紅蓮燉雪蛤同埋蓮子雪耳圓肉燉百合。兩碗糖水都好足料，而且唔會太甜，唔似係落糖黎調味，似係本身碗糖水嘅甜味，同埋碗糖水上到枱之後，都仲係熱的，唔會變得凍哂唔好食！而甜品店分為兩層，座位都夠多，所以等位方面唔需要等太耐，好快就可以安排到位置俾我哋入座。同埋間店舖都設有大圓枱，就算多幾個朋友一齊嚟食，都唔怕唔夠位坐埋一枱。