億饍 (已結業)

旺角閒日都很多人流，所以今晚就行遠少少，去油麻地食晚餐。呢間餐廳有齊中、西、越、泰等，多國菜集一，而且味道仲幾好。椰子烏雞排骨燉湯 $52，有數款燉湯可選，而且份量頗多，夠兩人分享。呢款湯的功效係益氣養顏、健脾補虛。湯水味道濃郁，清潤不膩，有椰子清香。湯渣的烏雞肉也很嫩。泰式生蝦刺身 $95，有8隻之多，份量夠，頗抵食。沾少少醬汁就夠，因為都偏辣，微酸有很重泰式香料味，蝦肉爽脆，肉質扎實。軟殼蟹牛油果卷 $68，賣相很吸引，而且堅多料。睇下橫切面，滿滿的 蟹肉，軟殻蟹即叫即炸，超熱辣辣又香酥，蟹身厚而多肉，加埋牛油果，真係啖啖滋味。泰式鮮炸蝦餅 $48，不算很熱，比較普通，但價錢還是吸引。蝦肉彈牙份量足，沾泰式辣醬味道一流。煎流心芝士肉餅 $52 （加配龍蝦$50），用鑊仔上菜很有誠意。先切開肉餅，芝士不但流心效果一流，仲有長長的拉絲，好吸晴。芝士味唔算很重，奶味偏重。肉餅肥瘦平均，質感鬆軟中帶點肥肉的彈牙，食完有少少膩。配龍蝦肉食，味道更豐富，龍蝦味道不算重，但都彈牙。原個椰青海鮮焗飯 $88，看來材料多到滿出來。原個椰青做的，所以內裡的椰青水分開裝上，也給客人飲，好清甜超解渴。有大