影片
更多
2014-08-28
2934 瀏覽
而家想搵間高質素嘅日本拉麵店, 可以話通街都係, 但想搵間有質素嘅日本烏冬, 就唔係咁易..........上週末約咗屋企人食lunch, 跟住收到whatsapp send 黎嘅餐廳地址喺灣仔,黎到見到座大廈叫The Hennessy, 裡面有數間食店.上到30樓行入店舖後, 就發現呢到環境真係"冇得輸"長形店舖環境開揚, 2邊被落地大玻璃包圍, 一邊望維港景, 一邊睇晒成個跑馬地嘅馬場景,喺呢到食飯, 個人都心情開朗啲午市時間, 食咩都抵啲, 黎到稻庭, 識食緊係叫稻庭烏冬啦 於是點了午餐set (冷) 天婦羅稻庭烏冬, 另外仲叫咗刺身盛盒和散叫的壽喜燒配安格斯牛 刺身盛盒 ($88) 有三文魚, 甘海老, 油甘魚同八爪魚各4片, 刺身尚算新鮮, 最出色當然係比較貴價嘅甘海老, 鮮甜肥美, 又大隻 美中不足的是八爪魚,令整個刺身盛合有down grade的感覺.但以今時今日$88蚊就有個刺身拚盤, 可以話抵到爛~ (冷) 天婦羅稻庭烏冬lunch set ($118)個set 包括有前菜, 沙律及餐茶..當上枱時發覺少了天婦羅汁,於是就問侍應, 侍應就解釋返原來傳統食法係
但想搵間有質素嘅日本烏冬, 就唔係咁易..........
上週末約咗屋企人食lunch,
跟住收到whatsapp send 黎嘅餐廳地址喺灣仔,
黎到見到座大廈叫The Hennessy, 裡面有數間食店.
上到30樓行入店舖後, 就發現呢到環境真係"冇得輸"
長形店舖環境開揚, 2邊被落地大玻璃包圍,
一邊望維港景, 一邊睇晒成個跑馬地嘅馬場景,
喺呢到食飯, 個人都心情開朗啲
午市時間, 食咩都抵啲, 黎到稻庭, 識食緊係叫稻庭烏冬啦
於是點了午餐set (冷) 天婦羅稻庭烏冬,
另外仲叫咗刺身盛盒和散叫的壽喜燒配安格斯牛
刺身盛盒 ($88)
有三文魚, 甘海老, 油甘魚同八爪魚各4片,
刺身尚算新鮮, 最出色當然係比較貴價嘅甘海老,
鮮甜肥美, 又大隻 美中不足的是八爪魚,
令整個刺身盛合有down grade的感覺.
但以今時今日$88蚊就有個刺身拚盤,
可以話抵到爛~
(冷) 天婦羅稻庭烏冬lunch set ($118)個set 包括有前菜, 沙律及餐茶..
當上枱時發覺少了天婦羅汁,
於是就問侍應, 侍應就解釋返原來傳統食法係
將天婦羅點埋冷烏冬同一個汁, 不過佢地見我地提問完,
都貼心地話可以提供埋一般天婦羅嘅汁比我地~
天婦羅皮香薄脆唔油, 內裡蝦肉好新鮮爽口唔過火
終於要試呢個set 嘅主角~稻庭冷烏冬,
第一次食, 真係深深比佢吸引了~
一束簡簡單單嘅烏冬帶出無限細膩,
滑到用筷子夾唔起, 比一般烏冬幼,
幼到似喬麥麵, 煙韌得黎又有彈性,
冷稻庭用半竹形的器皿盛載,
更增添清涼的和風感覺 ~
壽喜燒配美國安格斯牛 ($680)壽喜燒由一位有經驗嘅女侍應即場為我地烹調.
首先會用一舊牛嘅脂肪起油, 當油份量夠時會拿起脂肪
再一款一款蔬菜放入窩燒, 到最後放下湯, 滾起再落牛肉
壽喜燒有2種牛可以選擇,
美國安格斯牛及和牛, 但和牛價錢超過$1,000
雖然美國安格斯牛好有牛味, 好大塊, 好足本,
但好可惜, 太"鞋"口, 另外有點奇怪的是牛肉仍未完全解凍
不得不讚係呢到服務真係好到"爆燈", 一個成日問問題嘅食客, 都得到侍應們細心嘅解答.
呢到嘅環境同服務都令我非常滿意,
如果下次黎, 食物質素再加以改善,
咁就真係"大滿足"啦~
** 午餐餐牌
題外話/補充資料：
食稻庭烏冬最好冷食, 會更煙韌更滑~喺報紙睇到, 原來稻庭用嘅烏冬係日本入口嘅"七代佐藤養助烏冬", 聽講有成3百幾年歷史, 仲要皇室先有得食, 而且係現時唯一全部人手製造嘅稻庭烏冬.
(以上食評乃用戶個人意見 , 並不代表OpenRice之觀點。)
張貼
