紅豆烘焙 (寶靈街)

營業中

休息中

好近地鐵站，C2出口一出直行幾步就係。布丁麵包4點出爐，4點幾去到已經見到人龍排緊布丁麵包，雖然多人，但安排都幾好同鋪頭唔係好細，所以唔會好混亂，排隊都算快。朱古力布丁麵包 原味布丁麵包當日去有兩款味，每款味都買黎試下。朱古力味濃厚，比原味流心，一切開布丁就湧出黎。布丁唔會太甜，口感綿滑。肉鬆吞拿魚蛋沙律包麵包好大個，都幾多餡料，比較少見肉鬆卷入面有吞拿魚蛋沙律餡料，足料又咁大個包，食完一個好飽足。