大記攦粉糕點專門店 (已搬遷) 新店位置

平時搭小巴回家一定會經過此店望見個招牌...又唔識讀...對此店十分好奇晌開飯睇到食評唔錯,有一日放工同老公專程黎試試兩個人叫左一碗雞酒攦粉,一個金茹牛肉卷攦粉(中麻辣湯)+一個海鮮手打烏冬先黎一個金茹牛肉卷攦粉,麻辣湯底夠晒味,好好味(不過唔知係咪放左味精呢)等左一陣再上海鮮手打烏冬,食落個feel好似狗仔粉咁,麵身較厚,個湯有好香既蝦米味,不過唔明點解叫手打烏冬既~最後,黎埋個雞酒攦粉,眼見上面有好多薑片,湯底好清,但雞既酒味不足...如果再酒d就好喇,雞肉較 " 鞋 "不得不提,個攦粉真係好好味...好滑...阿姐話比我地知,攦粉即係新鮮既米線,但麵身比米線粗...本身我好鍾意食湯麵,所以有時間一定會番黎架我!!!