點點甜 (已結業)

情人節無情人收工一條友食完魚蛋粉，行去巴士站見到間甜品鋪，想起亞媽鐘意食甘露豆腐，咁我呢個小情人外賣直送比母親大人。睇門口個banner, 無甘露豆花喎，揀個較相似的芒果豆腐花，我愛台灣揀芋圓仙草盛配紫薯。 芋圓仙草盛另上一球紫薯，d料就真係夠晒多，3色芋圓，點左熱食，可能回家車程1小時太耐，d芋圓小丸子珍珠偏淋，西米入口溶化添，外賣點凍食應該較好可以保持口感，仙草夠結實，紫薯實在，無添加糖，撈埋去糖水食較好。凍芒果豆腐花，豆腐花非常滑溜，滑不留口有豆香帶甜，芒果可能唔係季節，芒果淺黃色偏酸，肯定無浸糖水，芒果汁應該係鮮打，全芒果味微甜，夾埋一齊食較好。