順興茶餐廳

營業中

休息中

大坑最出名嘅莫過於順興茶餐廳，今次排隊唔係等咗好耐，職員服務周到，坐低叫咗個招牌三寶飯凍檸茶同埋一碗豬紅蘿蔔勁辣魚蛋車仔麵加凍奶茶。我差唔多兩年冇食，佢哋依然保持水準，招牌三寶飯有牛肉有蝦有叉燒，配上特製嘅豉油，超級好食！炒蛋啱啱好唔會老，牛肉蝦同埋叉燒嘅配搭同炒蛋融為一體，可以話全香港冇一間餐廳可以做到。至於車仔麵，竟然有驚喜，勁辣魚蛋果然真係好勁辣，豬紅好爽唔會散，蘿蔔好入味，配上米粉吸晒啲辣味，辣到可以同譚仔比較。佢哋另外都可以揀腸粉作為車仔麵個底，相信係唔錯嘅選擇可以下次試。