sensory ZERO (禮頓中心) (已結業)

朋友有提過，佢唔算好平，但食物質素幾好，所以過嚟試吓。平日下午茶時間嚟到，唔算好多人，環境都好闊落。呢度係用半自助形式，自己出去落單，之後有人送上食物。朋友一心嚟試吓佢嘅貓貓造型麵包，而我係牛角包好愛好者當然係試牛角包啦！其實佢有下午茶set，但冇朋友想要嘅配搭，所以都係散叫，其實差唔係好遠。等咗陣終於有嘢食，貓貓麵包真係好可愛，但相對地真係比較細，好彩鰻魚就真係好大份啦。牛角包都好好食，滑蛋好出色，份量剛好夠飽。可惜呢到價錢算偏貴，好彩好食，唯有當一次半次打下卡。