Parallel

營業中

休息中

同朋友去完觀塘行街之後，揀左一間歐式風格既西餐廳食晩飯，夜晚時段有半自助餐（$325/位），包括是日餐湯、主菜、咖啡/茶，包場可以享受9折優惠。自助區有沙律🥗、冷切肉盤、煙三文魚，芝士，青口，翡翠螺，白蝦等等，非常豐富。沙律🥗、蔬菜類選擇好多 - 有三色瓜扒菜、吞拿魚長通粉沙律、紅菜頭、香草薯仔沙律、水果沙律、焗南瓜、水牛芝士車厘茄等等。沙律菜口感爽脆，健康之選。海鮮類🍤青口口感鮮嫩彈牙，翡翠螺有嚼勁，白蝦鮮甜彈牙。是日餐湯蕃茄忌廉湯：用忌廉畫上圖案，有心思，微微酸甜味，帶有蕃茄既鮮香味。主菜紅花蟹肉意大利飯：用番紅花調味，搭配上鮮嫩既蟹肉，增添獨特既風味。雞肉磨菇酥皮盒：酥皮一層層，口感酥脆，雞肉嫩滑，仲有好多蘑菇粒，加咗蘑菇汁好creamy。鮮奶咖啡拉花用心，咖啡味濃郁，鍾意飲咖啡嘅朋友值得一試。