鹵八鵝店 (已搬遷) 新店位置

今日去灣仔附近做嘢,行到合和附近，就見到一間好多地盤工人和西裝友食飯嘅地方，就膽粗粗入去試吓啦。原來有眼不識泰山，上網搜尋原來佢都幾出名㗎。選擇多到有Ｄ眼花,最後叫咗鹵水鵝雜飯和例湯。例湯係胡椒豬肚湯,近日天氣咁凍，飲完le碗湯成個人暖晒,咸酸菜和胡椒味道恰到好處鹵雜飯有鵝腸，鵝腎，鵝芯和鵝肝,鹵水香味噗鼻，令人流晒口水，鵝腸，腎，芯其實做得不錯,上網見鵝肝係最讚嘅,可惜今日真係有小小失望，好乾而且好鞋其實每人都係$50蚊，我覺得都幾物超所值，下次我會再試吓鹵鵝片嘅。