影片
更多
2022-07-30
3926 瀏覽
拖咗勁耐先寫嘅食評😂之前趁一有機會同時間就出左去潮洲軒飲茶。一向都麻麻地潮洲菜既我，如果有得揀，一定唔會主動去食潮洲菜😂不過今次肯黎，陛因佢有個滷水鵝肝！身為一個鵝肝迷，點可以錯過，仲要係大大塊既鵝肝啊!!! 事不宜遲，即刻睇下我今次試左啲咩🤪滷水鵝肝拼鵝片呢度係每樣一份嘅份量，睇鵝片嘅size，就知道鵝肝有幾大塊😆每塊都起碼有1cm厚，半個手掌咁大😍淨係視覺效果已經夠晒震撼。食之前侍應介紹咗可以龍啲滷水汁上去，鵝片就可以點醋食。鵝肝雖然好大塊，但係滷完之後，食落去一啲都唔膩，一個人食幾塊完全冇問題啊😆😆潮陽鮮蝦棗呢個蝦棗就同平時喺酒樓食圍菜嗰啲炸蝦球唔係好大分別😂我可能係我唔識食，不過真係冇乜特別。潮州蠔仔烙因為冇食到蠔仔粥嘅關係，所以就叫咗蠔餅。食潮州嘢冇蠔，點算係食潮州嘢🤪蠔餅熱辣辣，做到燶邊效果，厚度適中，味道ok，不過不失。不過份量都幾大，三四個人食就差唔多。兩個人食有啲壓力😂會食唔到其他嘢。方魚炒芥蘭反而芥蘭又炒得幾好食，唔會又苦又澀，啲菜都幾嫩滑。方魚一粒粒，脆卜卜。有啲似食Caesar Salad麵包糠嘅口感，冇乜鹹味。最怕就係啲鹹菜太鹹🤣潮州粉果潮州粉果我就冇食到，但
拖咗勁耐先寫嘅食評😂之前趁一有機會同時間就出左去潮洲軒飲茶。一向都麻麻地潮洲菜既我，如果有得揀，一定唔會主動去食潮洲菜😂不過今次肯黎，陛因佢有個滷水鵝肝！身為一個鵝肝迷，點可以錯過，仲要係大大塊既鵝肝啊!!! 事不宜遲，即刻睇下我今次試左啲咩🤪
滷水鵝肝拼鵝片
呢度係每樣一份嘅份量，睇鵝片嘅size，就知道鵝肝有幾大塊😆每塊都起碼有1cm厚，半個手掌咁大😍淨係視覺效果已經夠晒震撼。食之前侍應介紹咗可以龍啲滷水汁上去，鵝片就可以點醋食。鵝肝雖然好大塊，但係滷完之後，食落去一啲都唔膩，一個人食幾塊完全冇問題啊😆😆
潮陽鮮蝦棗
呢個蝦棗就同平時喺酒樓食圍菜嗰啲炸蝦球唔係好大分別😂我可能係我唔識食，不過真係冇乜特別。
潮州蠔仔烙
因為冇食到蠔仔粥嘅關係，所以就叫咗蠔餅。食潮州嘢冇蠔，點算係食潮州嘢🤪蠔餅熱辣辣，做到燶邊效果，厚度適中，味道ok，不過不失。不過份量都幾大，三四個人食就差唔多。兩個人食有啲壓力😂會食唔到其他嘢。
方魚炒芥蘭
反而芥蘭又炒得幾好食，唔會又苦又澀，啲菜都幾嫩滑。方魚一粒粒，脆卜卜。有啲似食Caesar Salad麵包糠嘅口感，冇乜鹹味。最怕就係啲鹹菜太鹹🤣
潮州粉果
潮州粉果我就冇食到，但係應該啲餡幾足，皮嘅厚薄程度適中。
芋泥
最後食埋甜品，芋泥打得幾幼滑，甜度適中，芋頭味好香，好食。不過一個人食晒成碗就真係好Heavy😂我食半碗已經頂唔順😂
總體來講潮州軒食物質素都OK，最值得食嘅都係個鵝肝。始終唔係所有潮州滷水都會有鵝肝食。而且最犀利嘅係食好多塊都唔膩😆簡直就係大滿足🥰
價錢已經唔記得咗😂應該大概千二蚊兩位？😂
張貼
