滾得棧 (已結業)

是日同好耐無見的朋友們，因為凍凍地，同朋友決定去在油麻地地鐵附近，滾得棧到打邊爐一坐下，老細熱情地介紹佢地的新產品八寶袋雞煲，作為打邊爐的湯底，職員上八寶袋雞煲時，腐竹包著嫩雞與其他食材，包括竹笙、松茸、松草花等滋補食材，注入上湯滾開後職員叫我地先飲湯，後食八寶袋入面的食物，真的色香味全方位享受!八寶袋的食物真的好補身，由其松茸、松草花真的好好食，未打邊爐已經有味覺上的享受~~之後我地點左竹蔗水，大大個真的好抵飲，另外也點左多款不同的打邊爐料，點了牛肩肉，象拔蚌丸，蝦丸，水餃，雲吞，午餐肉，萵荀，什菇，由其象拔蚌丸，蝦丸，因為系手打，入口真的好彈牙，象拔蚌丸真的好少食得到，水餃，雲吞都唔錯，大大隻又爽口，牛肩肉真的花紋靚，入口溶化，好重牛味，佢地的打邊爐料真的好新鮮，絕對唔系下欄野，朋友都話哩間滾得棧有質素，值得再來~~