影片
更多
2022-01-02
980 瀏覽
第一次寫食評！個人懶冇辦法啦😅😅今次間餐廳令我覺得一定要讚下佢，除咗真係叫做美食之外而且仲好抵食🤩近近地喺屋企附近$300可以買單嘅餐廳，仲要食咁多嘢真係好化算！一次滿足3款食物🤣🤣🤣最緊要係間餐廳冇限時再加上大部份嘢食都任食，但靠呢一樣已經冇得輸啦！間餐廳位於一個比較隱世嘅位置，由山道要行少少斜路上去！未到門口就已經聞到好香嘅味道！入到去餐廳，地方就比較細少少，不過餐廳就有分兩層嘅！而且有大廳有得包房，我諗訂位嗰時同餐廳講聲都應該OK嘅！我哋今次一共12人，雖然坐得迫少少，但感覺都OK嘅！坐埋位之後，餐廳哥哥仔就會開始講要揀咩味嘅雞煲，有辣有唔辣！大中小辣悉隨尊便！上咗雞煲之後佢仲要有隻雞仔鬧鐘幫你set時間，8分鐘就要炒一炒，總共炒四次，係中間就落埋芫荽！跟住一開煲食！哇！啲雞又夠滑又香，重點係可以辣同辣都得呀嘛！當你嘅雞煲食到2/3左右，餐廳哥哥又埋嚟同你講，我哋而家準備幫你哋蒸海鮮啦喎！海鮮其實就計每個人嘅份量有扇貝、蝦、鮑魚、聖子、大花甲同埋斑腩！未上枱嗰陣，其實大家都只係期待😚但係一上枱之後嘩嘩嘩，咁大份嘅係好喜出望外囉！個蒸海鮮拼盤，絕對係影相打卡之選📸當你又係食到差唔多
間餐廳位於一個比較隱世嘅位置，由山道要行少少斜路上去！未到門口就已經聞到好香嘅味道！入到去餐廳，地方就比較細少少，不過餐廳就有分兩層嘅！而且有大廳有得包房，我諗訂位嗰時同餐廳講聲都應該OK嘅！我哋今次一共12人，雖然坐得迫少少，但感覺都OK嘅！
坐埋位之後，餐廳哥哥仔就會開始講要揀咩味嘅雞煲，有辣有唔辣！大中小辣悉隨尊便！上咗雞煲之後佢仲要有隻雞仔鬧鐘幫你set時間，8分鐘就要炒一炒，總共炒四次，係中間就落埋芫荽！跟住一開煲食！哇！啲雞又夠滑又香，重點係可以辣同辣都得呀嘛！
當你嘅雞煲食到2/3左右，餐廳哥哥又埋嚟同你講，我哋而家準備幫你哋蒸海鮮啦喎！海鮮其實就計每個人嘅份量有扇貝、蝦、鮑魚、聖子、大花甲同埋斑腩！未上枱嗰陣，其實大家都只係期待😚但係一上枱之後嘩嘩嘩，咁大份嘅係好喜出望外囉！個蒸海鮮拼盤，絕對係影相打卡之選📸
當你又係食到差唔多2/3左右，餐廳哥哥又埋嚟同我講啦！跟住就準備打邊爐🍲啦喎，你哋要咩湯底啊？有蟲草花燉烏雞湯（呢個係必食推介），另外仲有蕃茄薯仔湯鍋同芫荽皮蛋鍋呀！我哋就揀咗蟲草花燉烏雞湯同埋蕃茄薯仔湯！嚟到之後，個蟲草花燉烏雞湯係可以即刻飲嘅，我哋試咗一啖，唔錯都幾清甜喎！單係呢個鍋都唔止個價錢啦！跟住餐廳哥哥仔就會上埋佢哋嘅招牌牛頸脊😍😍😍仲要係任食㗎👍🏻👍🏻👍🏻
其他好似🥬青菜、🍢丸類、🐟魚皮、響鈴、萵筍、豆腐、鵝腸嗰啲呢，都會係有個位置俾你去攞！而且除咗🍻酒類飲品之外，其他飲品都係任飲，真係好抵玩！
總括一下先😍😍😍
🔶雞煲
可以揀辣同唔辣，辣嘅帶BB辣、細、中、大辣揀，我地都比較食得揀，試水溫就揀咗細辣🤣🤣🤣最後覺得唔係好辣😜芫茜自己選擇落唔落都得！
🔷蒸海鮮大拼盤
呢個絕對係全餐飯嘅驚喜，雖然唔係最名貴嘅海鮮，但賣相好吸睛，而且海鮮都非常新鮮，絕對唔係雪咗好耐嘅嘢！
🔶蟲草花燉烏雞湯
呢個湯，真心推介！口感好清甜，唔係求求其其煲個湯就算個種！可以飲完個靚湯先打邊爐，不得了！
🔷蕃茄薯仔湯
呢個都估佢唔到，好多火鍋餐廳都係求其煲少少蕃茄比你就算，呢個係真係搵到好多蕃茄，而且味道都好正👍🏻
🔶自助區
其實都好多選擇，各式各樣嘅野食都有，丸、菜（2-3款），墨魚滑、蝦滑、菇、支竹、鵪鶉蛋、粟米、魚皮、響鈴⋯⋯⋯都一定夠哂飽！
我地由7點食到10點幾，生意都真係幾好，如果係附近住或者黎開石塘咀都不防試下👍🏻👍🏻👍🏻
辣同唔辣雞煲
29 瀏覽
0 讚好
0 留言
超正蒸海鮮拼盤
65 瀏覽
0 讚好
0 留言
蟲草花燉烏雞湯鍋同蕃茄薯仔湯
24 瀏覽
0 讚好
0 留言
蟲草花燉烏雞湯
28 瀏覽
0 讚好
0 留言
必食任食牛頸脊
23 瀏覽
0 讚好
0 留言
牛頸脊
31 瀏覽
0 讚好
0 留言
自助取料區
49 瀏覽
0 讚好
0 留言
自助飲品區
63 瀏覽
0 讚好
0 留言
豚肉
22 瀏覽
0 讚好
0 留言
張貼
