越南牛肉粉專門店 (已結業)

本來打算去孖沙街搵食，最後誤打誤撞入了這裡。裝修唔錯，室內顏色是綠和白，給人一種舒服感覺，雖然中午時份人多較迫。除了散叫外，午餐時段有兩款套餐，A餐$35有湯/粉/飯加餐飲，而B餐$49除以上外，還有多一款任揀小食。價錢十分相宜。三個人要了兩個A餐及一個B餐。我的香茅豬扒撈檬，十分大碗，加了兩碗魚露才可撈得均勻。除了魚露夠鮮味外，花生碎、乾蔥亦十分惹味，而且還有一大兜芽菜、青檸、金不換等供客人任加。只是豬扒過肥，肥膏多大，大家都不敢多吃。相反同事的豬扒湯檬，份量就少得多。另外小食是香茅雞翼，好過豬扒十倍，夠香脆，也有香茅香。不過大家之後都好口渴，而且滿口充斥蒜蓉味。