滿屋廚房 (已結業)

平時人頭沙湧湧嘅荷里活廣場基本上晚飯時間已經會爆多人，所以同朋友行完山就急急腳搵餐廳食飯啦，今次就見到full house kitchen就一於一齊試吓啦。餐廳門外設計咗多款得意公仔擺設，有唔少情侶同佢地一齊影相。而店內更有一個區域專賣木製立體模型、玩具等等，還有一個小型遊樂場吸引咗一班父母前來。餐牌種類以星馬菜、西式為主，而且仲有多款甜品選擇。洋甘菊茶洋甘菊茶係用左一個木蓋的杯裝著非常保溫，茶味清香，飲完仲可以叫店員加熱水再飲。蘑菇湯菇味濃郁，而且飲落介有好多蘑菇粒。煙三文魚凱撒沙律用料新鮮，煙三文魚份量都幾多，溝埋沙律醬一齊食非常滋味。東南亞風味拼盤包括有：越南蔗蝦、金絲蝦卷、 泰式魚餅，其實唔沾甜酸醬食已經好夠味，特別鐘意佢個越南蔗蝦，蝦肉相當彈牙，而魚餅就好重檸檬菜味非常清新。馬拉盞茄子肉碎炆米份量驚人，同朋友一齊食咗一半已經夠飽，而佢加入左馬核風味嘅馬拉盞唔會令到好咸且都幾惹味。青蘋果慕絲蛋糕套餐更包左兩塚甜品，今晚其中一款就係青蘋果慕絲蛋糕，味道清新唔會過甜，特別加入左蘋果蓉令味道酸酸甜甜之餘更加有層次。