千両 (已結業)

想食壽司，但同區o既兩間板x都好多人等，行行下就行左黎千兩。知道千兩係元氣同系，所以一入去就特登睇下個menu，平均每樣都只係貴3-5元左右，可以接受。不過元氣冇o既吞拿魚腩、鱈場蟹腳等梗係唔計算在內。一邊食，一邊將d壽司同元氣比較。基本類，即係元氣都有o既，其實分別不大，不過個別例如帶子，就比較厚肉，三文魚壽司、鰻魚壽司就做得長d。元氣冇o既，有d都唔錯，例如蔥吞拿魚手卷，見到成40蚊，仲只係吞拿魚蓉，都唔係好捨得，但最後叫左，又覺得ok抵，因為係用魚腩部分，食落好香。個別壽司以迴轉壽司黎講真係幾貴，48蚊一件，或者真係好好食，不過之前未食過，就唔會捨得拎黎試。見到menu有紅豆雪糕同抹茶雪糕，呢兩樣元氣都已經冇得賣，即刻嗌。不過已經唔係以前果隻味，以前果隻好食d。總體黎講材料都好新鮮，佢個市場都應該係中產人士啦。