祥興記上海生煎包私房菜 (已結業)

工作經過土瓜灣，同事推薦呢度嘅生煎包非常好味，必食，剛剛有少許時間停留，佢去買外賣比我哋試，背心膠袋內一個漢堡包咁嘅紙盒，睇封面先知呢間店係米芝連推介食店，比埋即棄竹筷同黑醋！生煎包：一盒四粒，外表同平時見嘅生煎包唔同，唔係中式圓包嘅樣，反而似一隻棋子，灑了青蔥同芝麻，同事千叮萬囑要小心熱湯，我第一粒食原味唔點醋，怕燙咀咬破少許皮，生煎包皮好薄，似煎香脆嘅小籠包子皮嘅感覺，入面滿滿嘅高湯，係滿瀉嘅狀態，已經盡快吸啜都漏咗好多落個盒度，啲湯清甜，入面肉餡滑溜唔乾，因為熱唔可以一啖食一粒，好好味！第二粒淋上黑醋，雖然香口又無咁膩，但黑醋搶咗啲高湯嘅清甜，所以都係唔落黑醋好味啲！第一次食脆皮生煎包！好好味！值得推薦！