馬六

營業中

休息中

今日黎到位於北角既星馬泰餐廳，裝修十分優雅，而家服務員非常熱情既招待，位置都好闊落，坐得都幾舒服。好啦，唔講太多，直接入主題。首先我地點左個斑蘭加央多士，呢個真係無得輸，厚厚一層牛油，重有一層加央醬，外脆內軟，非常好味，每次黎必食之選。主食方面就叫左個馬來青檸燒鴨配白飯，呢個鴨既份量都好多，而家味道都好正，值得一試。套餐可加16蚊加多個小食，我地選左脆炸鮮奶，呢個外脆內軟，唔算太油，中間鮮奶好滑，都係不錯既選擇。另一個主食係馬來沙嗲牛肉鍋配米粉，呢個非常抵食，大大過鍋都係68蚊，值得一試，香濃既沙嗲湯底用米粉吸曬所有精華，真係世界級享受。跟後跟多兩杯野飲，一杯係熱手工奶茶少甜，非常香滑，滿滿既滿足。另一杯係椰子斑蘭冰，真係好心涼，冰🧊震香濃。讚。