影片
更多
2024-02-27
566 瀏覽
見到好多Foodie推介呢間韓式餐廳，就一於去打卡試下鋪頭距離巴士站同地鐵站唔算好遠，都容易搵到，行5-10分鐘左右就到~6pm未夠就見到店內差唔多坐滿晒人，好好彩唔使等位可以直入。坐低無耐，門口就開始排長龍。店內裝修都好有韓國舊式餐館味道，裝修簡單但都算幾有風味~Menu只有好少選擇: 刀削麵、餃子、煎餅同飲品 (好適合我呢種選擇困難人士)不過嗰日煎餅已經sold out，所以同朋友淨係叫咗刀削麵同餃子。叫咗個雙拼餃子(豬肉+泡菜 各2隻)。餃子大大粒，非滿飽滿。餃子皮好黏同偏厚嘅。豬肉餃子食落去都有肉香味，入面有少少菜mix埋又唔會好膩。泡菜偏辣，但味道唔算好突出，正正常常。個人覺得豬肉好食過泡菜嘅嚟到今日主角: 刀削麵~~我同朋友叫咗1碗花蛤刀削麵同一碗牛骨湯刀削麵。花蛤刀削麵: 目測都有十幾隻花蛤，個麵都好大個。湯底幾鮮美，有花蛤嗰種海鮮味，少少鹹香味，都唔錯嘅~花蛤偏細，食落冇沙，每隻都有肉，唔會得返個殼。牛骨湯刀削麵: 有幾塊薄切嘅牛肉片，個麵都一樣好大個。湯底有陣陣牛骨味，湯底比花蛤嗰款較濃，但唔會太鹹，幾好飲。牛肉少少嚡，冇咩肉味，不過不失。呢到係自助落單，因為唔多選擇
鋪頭距離巴士站同地鐵站唔算好遠，都容易搵到，行5-10分鐘左右就到~
6pm未夠就見到店內差唔多坐滿晒人，好好彩唔使等位可以直入。坐低無耐，門口就開始排長龍。
店內裝修都好有韓國舊式餐館味道，裝修簡單但都算幾有風味~
Menu只有好少選擇: 刀削麵、餃子、煎餅同飲品 (好適合我呢種選擇困難人士)
不過嗰日煎餅已經sold out，所以同朋友淨係叫咗刀削麵同餃子。
叫咗個雙拼餃子(豬肉+泡菜 各2隻)。餃子大大粒，非滿飽滿。餃子皮好黏同偏厚嘅。豬肉餃子食落去都有肉香味，入面有少少菜mix埋又唔會好膩。泡菜偏辣，但味道唔算好突出，正正常常。個人覺得豬肉好食過泡菜嘅
雙拼餃子
$58
40 瀏覽
0 讚好
0 留言
嚟到今日主角: 刀削麵~~我同朋友叫咗1碗花蛤刀削麵同一碗牛骨湯刀削麵。
花蛤刀削麵: 目測都有十幾隻花蛤，個麵都好大個。湯底幾鮮美，有花蛤嗰種海鮮味，少少鹹香味，都唔錯嘅~花蛤偏細，食落冇沙，每隻都有肉，唔會得返個殼。
牛骨湯刀削麵: 有幾塊薄切嘅牛肉片，個麵都一樣好大個。湯底有陣陣牛骨味，湯底比花蛤嗰款較濃，但唔會太鹹，幾好飲。牛肉少少嚡，冇咩肉味，不過不失。
呢到係自助落單，因為唔多選擇，過程都算快。樓面得2個人，不過可能鋪面較細，上菜都唔算慢，餃子仲好快就嚟到。味道環境都唔錯，如果唔使排好耐隊嘅話，都算係值得一試嘅韓式餐廳
張貼
