麵屋武蔵 武骨相傳 (朗豪坊)

營業中

休息中

通常想食個正宗日本味道嘅拉麵就腳就黎呢度，係就係要排下隊，但真係似日本食嘅味道又抵番哂。二刀流拉麵黑蒜湯底係我必叫嘅，有哂豚角煮同叉燒，濃郁豬骨湯底加上黑蒜油，又香又滑又惹味！仲要條條都鬼咁彈牙。豚角煮用日本醬汁煮過，夠軟腍，至於沾麵呢，麵條較粗有咬口，沾汁再濃郁d同味重啲。個人黎講辛味豚骨更岩沾麵，食到外面嘅火辣亦食到高品質嘅麵條味道。有蠔肉、木魚絲郁郁下嘅五輪燒餅，好香甜嘅醬油味同多種餡料，夠哂豐富飽肚。加個比較清嘅但個名好勁嘅「田之最強」，沙律酸酸地清清地加芝士粉仲有隻煮得好靚仔濃厚溫泉蛋，飲日式飲品，真係滿足哂個胃。