影片
更多
2021-06-27
468 瀏覽
香港得好少餐廳專門食蟹，見到朋友介紹蟹膳，今次就揀咗呢間嚟一晚蟹宴！一入店就見到有一個蟹嘅水池，裝修都好有日本高級餐廳的氛圍，而且每一枱都有籬笆隔住，唔會見到旁邊嘅食客，私隱度高！枱面仲有兩隻蟹仔陪住食飯添～ Menu有3款蟹可以揀，松葉蟹、毛蟹、鱈場蟹，最後就揀咗「嘉よし」鱈場蟹嘅晚市套餐試吓！前菜 金柚蟹肉沙律柚子蟹肉嘅配搭，加上酸酸哋嘅沙律汁，實在太開胃，同埋fresh，好適合做夏天嘅開胃菜啊！沙律菜亦都無青澀苦澀嘅味道！燒鱈場蟹每人一碟都有蟹腳同蟹鉗，鱈場蟹蟹腳咁長，食起上嚟真係啖啖肉啊！師傅燒到蟹肉啱啱好熟，有鮮甜嘅蟹肉味，唔會過熟，恰到好處。侍應亦都有介紹食法，可以點旁邊嘅蟹醋或者加少少檸檬汁，如果加檸檬就食到蟹嘅鮮甜，個人就鐘意蟹醋，完全帶出蟹肉嘅鮮味，令蟹嘅味道更加出！不過拆肉就少少費時🤭鱈場蟹腳天婦羅碟上有抹茶鹽、蘿蔔蓉，另外有天婦羅汁，侍應提議蟹肉可以點抹茶鹽，而其他野菜天婦羅可以點天婦羅汁。呢道菜有兩件鱈場蟹腳，野菜天婦羅就各有南瓜、日本甜番薯、紫蘇葉、流心蛋，其中紫蘇葉好有驚喜，裡面包住蟹肉，蟹肉配紫蘇葉，味道好夾！蟹腳天婦羅建議趁熱食，啖啖肉，炸粉薄身，配埋抹
一入店就見到有一個蟹嘅水池，裝修都好有日本高級餐廳的氛圍，而且每一枱都有籬笆隔住，唔會見到旁邊嘅食客，私隱度高！枱面仲有兩隻蟹仔陪住食飯添～
Menu有3款蟹可以揀，松葉蟹、毛蟹、鱈場蟹，最後就揀咗「嘉よし」鱈場蟹嘅晚市套餐試吓！
前菜 金柚蟹肉沙律
柚子蟹肉嘅配搭，加上酸酸哋嘅沙律汁，實在太開胃，同埋fresh，好適合做夏天嘅開胃菜啊！沙律菜亦都無青澀苦澀嘅味道！
燒鱈場蟹
每人一碟都有蟹腳同蟹鉗，鱈場蟹蟹腳咁長，食起上嚟真係啖啖肉啊！師傅燒到蟹肉啱啱好熟，有鮮甜嘅蟹肉味，唔會過熟，恰到好處。侍應亦都有介紹食法，可以點旁邊嘅蟹醋或者加少少檸檬汁，如果加檸檬就食到蟹嘅鮮甜，個人就鐘意蟹醋，完全帶出蟹肉嘅鮮味，令蟹嘅味道更加出！不過拆肉就少少費時🤭
鱈場蟹腳天婦羅
碟上有抹茶鹽、蘿蔔蓉，另外有天婦羅汁，侍應提議蟹肉可以點抹茶鹽，而其他野菜天婦羅可以點天婦羅汁。呢道菜有兩件鱈場蟹腳，野菜天婦羅就各有南瓜、日本甜番薯、紫蘇葉、流心蛋，其中紫蘇葉好有驚喜，裡面包住蟹肉，蟹肉配紫蘇葉，味道好夾！蟹腳天婦羅建議趁熱食，啖啖肉，炸粉薄身，配埋抹茶鹽，正！流心蛋天婦羅侍應建議一啖食，一咬落去流心程度啱啱好👍🏻
鱈場蟹火鍋
兩人份量嘅鱈場蟹，有2-2.5kg重，師傅已經將蟹腳蟹身拆好，並有兩人份量嘅野菜盤，同埋蟹肉餃子。侍應亦有建議蟹肉碌3分鐘就可以食，按照佢嘅建議煮法，蟹肉啱啱好熟，不會韌，配有柚子醬油，帶出蟹肉嘅鮮甜！蟹肉餃子咬落去，充滿濃濃嘅蟹肉配紫蘇葉嘅味道，不過不失。值得一提，每一款野菜都好新鮮，可見食材一啲都唔馬虎。
最後侍應會將剩低嘅蟹膏、蟹身放入鍋度，加入白飯同雞蛋煮成粥。本身嘅清場火鍋湯底，已滲滿晒蟹肉嘅鮮味，再煲成粥，將火鍋嘅精華結合哂一鍋粥裡面😋！
甜品有柚子雪葩同芝麻雪糕揀，揀咗柚子雪葩，清新消膩！餐廳會預前雪好隻碟，等啲雪葩無咁易溶！👍🏻
張貼
