燒烤堂 (已結業)

今日上完training，提早收工，就去黃埔行下街，見到呢間日式裝潢嘅餐廳，覺得環境同氣氛都唔錯，就想試下。餐單種類很多，我地叫左9款燒物再加烏冬。Waiter 介紹左今日廚師推薦-燒蟶子， 好好食， 配料都係蔥，粉絲同蒜，煮埋一齊好香同味濃，加埋蟶子煮得岩岩好，肉質好嫩。絕對首推。昆布烏冬，因為怕唔夠飽叫左個烏冬，湯底清淡，配合食其他濃味嘅串燒，係個唔錯嘅選擇。呢間細細地串燒店有驚喜，基本上所有串燒都好夠味同嫩口，波蘿加左層蜜糖，表面脆口，肉勁甜！！！鐘意食波蘿嘅真係要試下。唔知係咪我地太早食，7點未夠就入座，店舖送我地菊花茶，好好飲，唔係太甜，又夠凍。