影片
更多
2013-01-03
194 瀏覽
今日百厭仔學校放假, 我哋一家三口就去咗良景商場呢度行下, 順度去飲茶食埋早餐+午餐. 10:40去到呢間酒樓 任坐. 我哋揀近門口入幾張嘅枱, 啱啱係風口位, 女侍應即細心提醒我哋怕唔怕凍. 我哋覺得OK就坐下.喺度要讚一讚該女侍應, 雖然門口附近位置得她一人招待, 一腳踢都幾忙, 但她經常笑面近人, 手腳又快. 起碼唔會揸住點心紙舉到手軟都無人接. 茶壺無水要自己去沖嘅情況發生.叫咗:--點心孖寶(B) $22.80 X 2 鳳爪排骨飯 / 皮蛋瘦肉粥--比想像中大碗, 味道都幾好. 燒賣--夠結實唔鬆散, 有食落有好香嘅冬姑味, 正! 叉燒腸粉--饀料充足, 腸粉亦夠滑, 正! 另叫一碗鯪魚球米粉 (小點 $9.80)--無諗過小點嘅鯪魚球會咁大粒, 味道都唔錯.(幅相係比百厭仔用筷子整亂咗先影. 原本無咁肉酸.)生炒糯米飯 $7.80--上枱只係微暖, 唔夠熱. 好在味道都唔差, 腊味料亦唔少.馬拉糕 $2.80--夠鬆軟, 又唔太甜, 幾好味. 正! 茶錢$6.00一位 (百厭仔無收茶錢) , 連加一, 埋單$86.00 由於今日係平日, 11:00前有啲特價點心比
10:40去到呢間酒樓 任坐. 我哋揀近門口入幾張嘅枱, 啱啱係風口位, 女侍應即細心提醒我哋怕唔怕凍. 我哋覺得OK就坐下.
喺度要讚一讚該女侍應, 雖然門口附近位置得她一人招待, 一腳踢都幾忙, 但她經常笑面近人, 手腳又快. 起碼唔會揸住點心紙舉到手軟都無人接. 茶壺無水要自己去沖嘅情況發生.叫咗:--點心孖寶(B) $22.80 X 2
鳳爪排骨飯 / 皮蛋瘦肉粥--比想像中大碗, 味道都幾好.
燒賣--夠結實唔鬆散, 有食落有好香嘅冬姑味, 正!
叉燒腸粉--饀料充足, 腸粉亦夠滑, 正!
另叫一碗鯪魚球米粉 (小點 $9.80)--無諗過小點嘅鯪魚球會咁大粒, 味道都唔錯.(幅相係比百厭仔用筷子整亂咗先影. 原本無咁肉酸.)
生炒糯米飯 $7.80--上枱只係微暖, 唔夠熱. 好在味道都唔差, 腊味料亦唔少.
馬拉糕 $2.80--夠鬆軟, 又唔太甜, 幾好味. 正!
茶錢$6.00一位 (百厭仔無收茶錢) , 連加一, 埋單$86.00 由於今日係平日, 11:00前有啲特價點心比較平, 都幾抵食!
張貼
