燒烤堂 (已結業)

紅磡好多美食，今次就試下呢間日式串燒店！兩個人嗌咗一支細清酒，支酒叫「兩人對酌」，好有詩意。辛苦做完一日嘢，可以同朋友飲酒傾下計，做咗大人之後就明白呢d時刻有幾重要～串燒方面都有好多選擇，有海鮮、肉類⋯⋯我地試咗鮑魚，燒得幾好食。另外仲有d飽肚d既熱食，但我地就無嗌到。另外推介日式免治雞肉棒，有埋蛋黃點，幾正宗～間舖頭好細，好容易就坐滿晒，會有少少逼，但同時氣氛都唔錯。串燒要等得比較耐，店員好似忙到有d做唔切既感覺。總括嚟講，食物都好滿意，啱同朋友嚟relax吓。價錢唔算平，但喺紅磡嚟講差唔多啦！