Gusto Restaurant & Bar (已結業)

2017年的最後一個工作天，午餐當然要約閨蜜聚一聚！lunch得果60分鐘，梗係要搵一間又近、又企理、又舒適既餐廳先得！大家都係銅鑼灣返工，就求其話去V Point食，上到去見到間嘢門面幾企理，裝修都四正，就諗都唔諗行咗入去。（門口果個黑衫哥哥好有禮貌，值得一讚！）見到lunch menu有risotto，但又驚好硬，lunch食硬嘢無咁開心嘛，就即刻搵返黑衫哥哥問吓，佢好詳細咁解釋俾我同姊妹聽唔會架，叫我地放心食。聽完佢講即刻，同閨蜜一個點牛肝菌risotto，一個點雞肉risotto🤤味道一流！ 淋得嚟唔會好似爛飯咁，入口有咬口！仲有個雞肉，唔會乾爭爭，仲好夠味，出面食好多都係白烚，零味，呢個雞肉出呼意料，非常好唔錯！！！！！總括嚟講，每人$80，銅鑼灣，有服務，有質素，有味道，仲想點？正正子啦！