鮮芋仙 (屯門市廣場1期)

營業中

休息中

布丁q麻糬牛奶冰（＄52）雪糕係雲尼拿味，牛奶味重，食落重忌廉，滑啲唔似雀巢。牛奶冰係煉奶味，有黑糖醬淋面。比起有時食到嘅冰係冇味嘅冰，呢個食每一口冰都有甜味，溶左之後飲冰水都好飲，加埋黑糖味好似飲緊黑糖珍奶咁，成功第一次完整咁食完成個冰。配料方面，愛玉係冇咩味，布丁係街會食到嘅布丁味，較水，好滑。白色係杏仁豆腐，重杏仁味，杏仁味唔假，幾鐘意。芋圓係細粒，唔夠煙韌，但芋頭味係幾香。麻糬有五個，白色嘅係正常味，反而黑色嘅好重黑糖味，味道好有咬口，令人驚喜。仙草冰沙6號（＄45）冰沙係仙草味，珍珠較細粒，有黑糖味，有咬口。仙草香好重仙草味，食完嗰口仲有仙草味，但係一咬就碎，食多幾啖就會溶係口。粿條較有咬口。粿黃色嘅得三舊，介乎麻糬同紅棗糕之間嘅口感，唔知咩味。