割烹 櫓杏 (iSQUARE國際廣場)

營業中

休息中

難得復活節假期，梗係同老公開開心心出去食餐飯啦！今日揀咗位於iSquare 28樓嘅「割烹 櫓杏 」我哋book咗12點食lunch , 入到餐廳𥚃面，環境十分清靜與優雅，枱與枱之間嘅距離分得好開，十分注重客人嘅私隱。而且餐廳安排左一個靠窗嘅梳化位俾我哋，可以望住個海景，視覺上十分享受! 欣賞完咁靚嘅海景之後，我再細看餐牌，原來選擇好多，最尾我選擇咗一個三色丼。大概等咗5分鐘就上菜了。三色丼，顧名思義就係有三碗飯，三碗飯分別係角切魚生飯、蔥吞拿魚腩飯同埋鰻魚飯。角切魚生飯裏面有油甘魚、金目鯛、三文魚子、吞拿魚、深海池魚五款魚生，十分豐富。魚生都好新鮮，加上切粒，撈埋D飯好有囗感吖蔥拿魚腩飯加入咗蔥白、黃蘿蔔碎，味道鮮甜爽囗，齒頰留香。鰻魚飯裏面的鰻魚燒得十分香脆，而且鰻魚夠晒肥美。再配上鰻魚汁，十分好送飯。而且服務態度10分好，值得再次光臨！