影片
更多
2009-09-30
82 瀏覽
早幾個月前已從同事口中得知荃灣區有一間叫 “PHD” 嘅新薄餅店, 仲大讚佢哋嘅Pizza又平又好味. 聽後好想試試係咪咁好味, 因為我都幾鍾意食Pizza, 每個月都幫襯Pizza Hut一兩次. 但真係好小去荃灣, 所以一直都無機會試. 昨日去朋友屋企 ( 西灣河 鯉景灣 ) , 原來佢樓下都有PHD分店, 所以唔理我朋友鍾唔鐘意食Pizza都買上去做晚餐. 佢哋賣嘅係手拉批, 即叫即拉~真係睇住個師傅將啲麵粉由一個球狀拉成餅底, 仲要抛上半空, 好似睇表演咁(舖面有塊大玻璃可以睇住廚房整Pizza), 過程都幾得意架.我叫咗個PHD多寶手拉大批, 原來大批自取做緊半價, 嘩~~真係好平, 只要$64有個大批. 味道都幾好味喎, 我幾欣賞佢哋嘅Pizza唔係太多油, 用手揸住食隻手都唔係好油. 另外叫咗水牛城雞膇, 味道酸酸辣辣幾開胃, 我朋友話送啤酒好正. 再加一客卡邦尼雞肉意粉, 雞肉幾滑同埋有啲煙肉好香口. 仲有兩個北海道牛乳豆腐布甸, 呢個布甸俾我好大驚喜, 因為我唔食得太甜, 所以平時好小食甜品, 但係服務員姐姐話唔係好甜, 係咁叫我試吓. 第一啖入口我個心覺得俾個服務員
昨日去朋友屋企 ( 西灣河 鯉景灣 ) , 原來佢樓下都有PHD分店, 所以唔理我朋友鍾唔鐘意食Pizza都買上去做晚餐.
佢哋賣嘅係手拉批, 即叫即拉~真係睇住個師傅將啲麵粉由一個球狀拉成餅底, 仲要抛上半空, 好似睇表演咁(舖面有塊大玻璃可以睇住廚房整Pizza), 過程都幾得意架.
我叫咗個PHD多寶手拉大批, 原來大批自取做緊半價, 嘩~~真係好平, 只要$64有個大批. 味道都幾好味喎, 我幾欣賞佢哋嘅Pizza唔係太多油, 用手揸住食隻手都唔係好油. 另外叫咗水牛城雞膇, 味道酸酸辣辣幾開胃, 我朋友話送啤酒好正. 再加一客卡邦尼雞肉意粉, 雞肉幾滑同埋有啲煙肉好香口. 仲有兩個北海道牛乳豆腐布甸, 呢個布甸俾我好大驚喜, 因為我唔食得太甜, 所以平時好小食甜品, 但係服務員姐姐話唔係好甜, 係咁叫我試吓. 第一啖入口我個心覺得俾個服務員姐姐呃咗, 因為面頭嗰層朱古力粉都幾甜架(可能因為我唔太食得甜), 但係當啲朱古力粉嘅味道淡落嚟之後, 就食到好清香嘅牛乳同埋豆腐味, 除咗啲朱古力粉外, 個有甸真係唔算好甜, 服務員姐姐真係無呃我~~ (呢度啲服務員態度幾好架, 會幫我計埋點叫會平啲)
一個PHD多寶大批 + 一客卡邦尼雞肉意粉 + 一客水牛城雞膇 + 兩個北海道牛乳豆腐布甸都只係$152, 四個人食到飽飽, 呢餐好滿足~~
張貼
