東京築地拉麵 (已結業)

同左個FD去銀座睇戲之後搵野食，咁我就想食拉麵，就去左地下個間築地拉麵，叫左碗特上大盛拉麵($78)，因為貪佢咩都有唔洗諗，而且一次試晒如果唔好食下次就可以搵第二間食-0-。湯底杰度OK, 豬骨夠香濃。糖心蛋用味噌醃過，唔錯。豚肉肥瘦均勻，叉燒亦都好淋，D油花溶係口嘅感覺好正！拉麵煮得啱啱好，重點係要夠彈牙，麵質都唔錯，放左一陣都仲keep到彈牙。芒果閃電口感好得意，底層係芒果凍，中間落左爆炸糖，飲個時會係口度啪喇啪喇咁幾過癮，面頭仲有幾粒小芒果冰球，雖然冰球芒果味唔重，我估係用芒果糖漿整。Ｄ間嘢嘅出品總體都叫唔錯嘅，起碼個拉麵幾好食，飲品都有特色。